Forrer Arnold

Us der alemannische Wikipedia, der freie Dialäkt-Enzyklopedy

De Forrer Arnold (Nöldi) (* 7. Oktober 1978) isch en Ostschwizer Schwinger. Bisher het er 44 Kranzfäscht gwunne und isch im 2001 Schwingerkönig gsi.

Schwinge[ändere | Quälltäxt bearbeite]

Mit nüni het de Forrer Nöldi mit em Schwinge aagfange und im 1996 bim Nordoschtschwiizerische Schwingfäst sin erschte Kranz gwunne. Insgsamt het er 110 Chränz (Stand: August 2012) gwunne und s vierti mol s Schwingfäscht uf de Schwägalp.[1] Er ghört zum Nordostschwizer Schwingerverband und isch Mitglid vom Schwingclub Wattwil und Umgebig.

Privats[ändere | Quälltäxt bearbeite]

De Forrer Nöldi isch z Stai im Toggeburg ufgwachse. Er hät Chäser glärnt (Lehrabschluss 1997) und isch sit 2004 Chäsermaister. Hüt schafft er bi de Micarna (Migros-Betriib) as Flaischhändler. Er het e Körperlängi vo 194 cm, es Gwicht vo 120 kg und d Schuegrössi 52.[2]

Weblink[ändere | Quälltäxt bearbeite]

Fuessnoote[ändere | Quälltäxt bearbeite]

  1. Forrer gewinnt auf der Schwägalp Artikel im Tagi-Online vom 18. Augste 2013
  2. über Nöldi uf de persönliche Website, abgruefe am 19. Augste 2013