Apologeet

Us der alemannische Wikipedia, der freie Dialäkt-Enzyklopedy

En Apologeet (vo gr. απολογητής: „Verdäidiger“, απολογία: „Verdäidigungsreed“) isch ursprünglig dr juristisch Magistratsbeamti in dr griechische Polis gsi. In dr früechristlige Zit het mä de Verdräter vo dr christlige Apologii eso gsäit, wo s Christedum im Römische Riich as e vernümftigi Religioon daargstellt und gege Aagriff vo andere Religioone und Filosofie verdäidigt häi.

Hüte wird dr Begriff au im ene witere Sinn brucht für e Verdäidiger von ere Leer oder Ideologii, wo uf ere ghobnige, intellektuelle oder wüsseschaftlige Ebeni argumentiert.

Die eltisti Daarstellig vom Augustinus, uf eme Fresco us em 6. Joorhundert im Lateran z Rom.

Gschicht[ändere | Quälltäxt bearbeite]

No vor dr christlige Apologetik häi d Juude iiri Religion müesse verdäidige, und die jüüdischi Apologetik isch immer no aktuell. Si het aber wääred dr Ufkläärig groosse Iifluss uf die öiropäische Intelektuelle gha und het ghulfe, ass im 19. Joorhundert d Juude in Öiropa emanzipiert worde si.

D Aafäng vo dr christlige Apologetik findet mä scho im nöije Testamänt, wie «Apostelgschicht» 16,16–34. Au die frühchristligi griechischi apokrüfi Schrift Kerygma Petri («Verkündigung vom Petrus») schloot in die gliich Kerbe. Zu de letschte christlige apologetische Wärk ghöört im Augustinus si De civitate Dei, («Über e Gottesstaat»). Spööteri Autore häis scho nüm nöötig ghaa, s Christedum z verdäidige, wo vo denn aa as Staatsreligioon siinersits die andere Religioone underdruckt het.

Litratuur[ändere | Quälltäxt bearbeite]

  • Kommentar zu frühchristlichen Apologeten (KfA), 12 Bänd, uusegee vom Norbert Brox, Kurt Niederwimmer, Horacio E. Lona, Ferdinand R. Prostmeier, Jörg Ulrich. Herder, Freiburg im Brisgau u. a. 2001ff:
    • Band 1 Kerygma Petri / Quadratus-Fragment
    • Band 2 Aristides, Apologie
    • Band 3 Melito, Fragmente / Pseudo-Melito, Apologie
    • Band 4 und 5 Justin, 1. und 2. Apologie
    • Band 6 Tatian, Rede an die Hellenen
    • Band 7 Athenagoras, Bittgesuch für die Christen
    • Band 8 Brief an Diognet
    • Band 9 Theophilus von Antiochien, An Autolykos
    • Band 10 Klemens von Alexandrien, Protreptikos
    • Band 11 Tertullian, Apologeticum
    • Band 12 Minucius Felix, Octavius
    • Ergänzungsband 1 Die „Wahre Lehre“ des Kelsos
    • Ergänzungsband 2 Frühchristentum und Kultur
  • Logos der Vernunft – Logos des Glaubens. Festgabe zum 80. Geburtstag von Edgar Früchtel, uusegee vom Ferdinand R. Prostmeier und Horacio E. Lona. De Gruyter, Berlin, Nöi York, 2010; ISBN 978-3-11-024726-8 (= Millennium Studies in the culture and history of the first millennium C.E. [MST], Band 31 ISSN 1862-1139).
Dä Artikel basiert uff ere fräie Übersetzig vum Artikel „Apologet“ vu de dütsche Wikipedia. E Liste vu de Autore un Versione isch do z finde.