Anne Cuneo

D Anne Cuneo (* 6. Septämber 1936 z Paris; † 11. Februar 2015) isch e Schwiizer Schriftstellerin und Reschissöörin gsi.

Läbe

D Anna Cuneo isch z Paris uf d Wält cho; ihre Vatter Alberto Cuneo und d Muetter Lydia sind us Italie gsi. Em Afang vom zwöite Wältchrieg isch d Familie uf Mailand ggange. E Zyt lang het d Anna z Italie in Waisehüüser gläbt, bis si ane 1950 i d Schwiiz und uf Lausanne cho isch. I der Jugend het si au mol z London gläbt, und derno het si a der Uni Lausanne Sproochen und Gschicht studiert und het sech als Journalischtin wyterbildet.

Si het Schuel ggä und bi der Télévision suisse romande und bim Schwiizer Färnseh gschaffet; gwohnt het si denn z Züri.

D Cuneo het Gschichten und Romään gschribe, wo’s drin teils um Kriminalfäll und teils au um gschichtlechi Figuure goot. Die meischte vo ihrne Romään sind is Düütschen übersetzt worde, e Teil drvo isch bim Limet Verlag z Züri usechoo. 1980 het si agfange Film z dräie. Es sind Dokumäntarfilm über bekanti Schwiizer Persoone wie öpe der Friedrich Glauser, der Adrian Frutiger, d Anne-Marie Blanc, der Ettore Cella, der Ferdy Kübler und der Max G. Bollag.

Vo der Schwiizerische Schillerstiftig het d Anne Cuneo 1979 en Pryys übercho. Und si het au der Anti-Prix vom Wälschschwiizer Radio, der Kulturpryys vom Kanton Züri, d Uuszeichnig Prix Alpes-Jura und der Pryys vo der Waadtländer Kulturstiftig übercho. Z Frankrych isch si 2008 Ritter vom Ordre des Arts et des Lettres und 2013 Kommandöörin vom Ordre national du Mérite woorde.

Wärch

Gravé au diamant, 1967
Mortelle maladie, 1969
La vermine, 1970
Jours du chat, 1972
Poussière du réveil, 1972
Le piano du pauvre: La vie de Denise Letourneur, musicienne, 1975
La Machine fantaisie, 1977
Passage des Panoramas, 1978
Une cuillerée de bleu: chronique d'une ablation, 1979
Les Portes du jour, Portrait de l’auteur en femme ordinaire vol 1, 1980.
Le Temps des loups blancs, Portrait de l’auteur en femme ordinaire vol 2, 1982.
Hôtel Vénus, 1984
Le Monde des forains, 1985
Station Victoria, 1989.
Prague aux doigts de feu, 1990.
Le trajet d'une rivière: la vie et les aventures parfois secrètes de Francis Tregian, gentilhomme et musicien, 1993
La flûte et les ratonneurs: chronique d'un petit pays, 1994
Au bas de mon rêve, 1995
Objets de splendeur: Mr. Shakespeare amoureux, 1996
Ame de bronze, 1998
D’or et d’oublis, 1999
Le sourire de Lisa, 2000
Le Maître de Garamond: Antoine Augereau, graveur, imprimeur, éditeur, libraire, 2002
Entre Lumière et Ombres; Loyse de Savoie, 2003
Hôtel des coeurs brisés: une enquête de Marie Machiavelli, 2004
Les corbeaux sur nos plaines, 2005
Lacunes de la Mémoire, 2006
Zaïda: fragments d'une vie, 2007
Conversations chez les Blanc à propos d'Anne-Marie Blanc, comédienne, 2009
Un monde de mots – John Florio, traducteur, lexicographe, pédagogue, homme de lettres, Verlag Bernard Campiche, 2011, ISBN 978-2-88241-297-3
La tempête des heures, 2013
Gatti's variétés, 2014

Literatur

Esther Ackermann: Anne Cuneo. In: Andreas Kotte (Hrsg.): Theaterlexikon der Schweiz – Dictionnaire du théâtre en Suisse. Band 1. Chronos, Zürich 2005, ISBN 3-0340-0715-9, S. 421 f. (französisch)

Weblink

Commons: Anne Cuneo – Sammlig vo Multimediadateie

Biografy im Limmatverlag