Andreas Deuschle

Dr Andreas Deuschle (* 18. Novämber 1978 z Nirdenga) isch e dytsche Bolitiker (CDU). Syt 2011 isch er Abgordnete im Landdag vu Bade-Wirttebärg.

Uusbildig un Beruef

Dr Deuschle het z Esslenga s Abitur gmacht un derno an dr Universitet Dibenga Rächtswisseschafte studiert. Noch em erschte juristische Staatsexamen isch er Referendar am Landgricht Stuegert gsii un het derno mit em zwaite juristische Staatsexamen abgschlosse. Vu 2007 bis 2013 het dr Deuschle bim Energykonzärn EnBW gschafft. Syt 2008 het er aigeni Rächtsaawaltskanzlei.

Bolitik

Dr Andreas Deuschle isch anne 1999 zum Vorsitzer vu dr Jungen Union im Bietsverband Deizisau-Blochenga gwehlt wore. Vu 2003 bis 2008 isch Mitglid im Landesvorstand vu dr Jungen Union Bade-Wirttebärg gsii. Im Landesverband Bade-Wirttebärg vu dr Jungen Union isch er Referänt fir inhaltligi Froge gsii.

As Mitarbaiter im Stab vu dr CDU-Landesgschäftsstell isch er fir d Blanig un Vorberaitig vum Bundesdagswahlkampf vu dr Sidwescht-CDU 2005 zueständig gsii. Vu 2008 bis 2010 isch er Vorsitzende Richter am Landesschidsgricht vu dr Jungen Union gsii. Bi dr Landdagswahl 2011 isch er im Wahlchrais Esslenga aadrätte un het s Diräktmandat gwunne.

Bi dr Landdagswahl 2016 het dr Deuschle sy Diräktmandat verlore, isch abwer iber e Zwaitmandat in Landdag yyzoge. Des het er au bi dr Landdagswahl 2021 verdaidigt. Bi dr grien-schwarze Koalitionsverhandlige, wu zue dr Bildig vu dr Regierig Kretschmann III gfiert het, het er d Verhandligsgruppe „Digitalisierig un Innovation“ glaitet.

Im Landdag isch dr Deuschle syt 2011 digitalisierigsbolitische Sprächer vu dr CDU-Landdagsfraktion un au syt 2016 Vorsitzer vum Uusschuss fir Wisseschaft, Forschig un Chunscht gsii. 2021 het en d CDU-Landdagsfraktion zue irem Barlemäntarische Gschäftsfierer gwehlt. In däre Funktion isch er au Erschte Stellverdrätter vum Fraktionsvorsitzer Manuel Hagel. In dr CDU-Landdagsfraktion isch au Beufdraite fir Aaglägehaite vum Bundesrot.

Syt 2018 isch Deuschle Mitglid vum Landesfachuusschuss fir Medie un Mediebolitik vu dr CDU Bade-Wirttebärg, zytwys isch er au Mitglid vum Bezirksvorstand vu dr CDU Nordwirttebärg gsii. Derzue isch er ehrenamtli Mitglid im Medierot un mediepedagogische Uusschuss vu dr Landesaastalt fir Kommunikation Bade-Wirttebärg un im Kuratorium vu dr Hochschuel fir Tächnik Stuagert.

Am 16. Juli 2021 isch dr Deuschle zu Vorsitzer vum CDU-Kraisverband Esslenga gwehlt wore.

Privats

Dr Andreas Deuschle isch evangelisch un wohnt z Esslenga. Är isch ghyrote un Vater vu zwai Chinder.

Weblink

Commons: Andreas Deuschle – Sammlig vo Multimediadateie

Websyte vum Andreas Deuschle
Abgordneteprofil bim Landdag Bade-Württeberg in dr 17. Wahlperiod
Profilsyte bi dr CDU Landdagsfraktion
Andreas Deuschle uf abgeordnetenwatch.de

Dä Artikel basiert uff ere fräie Übersetzig vu dere Version vum Artikel „Andreas_Deuschle“ vu de dütsche Wikipedia. E Liste vu de Autore un Versione isch do z finde.