Anaxilas vo Rhegion

Us der alemannische Wikipedia, der freie Dialäkt-Enzyklopedy
e Münze vom Anaxialos, zu Eere vo sim olympische Siig ane 480 v. Chr..

De Anaxilas oder Anaxilaos vo Rhegion (altgriechἈναξίλαος, dorischἈναξίλας) isch de Tyrann vo Rhegion (hütt: Reggio Calabria) und Messana (hütt: Messina) gsii.

D Famili vom Anaxilas isch nochem Zweete Messenische Chrieg im uusgeende 7. Joorhundendert v. Chr. uf Italie uusgwanderet. Ane 494 v. Chr. hett er d Oligarchii vo Rhegion gstürzt und hett sich as Alaiherrscher etabliert. Spööter hett er d Stadt Zankle eroberet, wo uf Sizilie gegenöber vo Rhegion glegen isch. Er hett denn die Stadt i Messana umtauft, as en Erinnerig a d Haimet vo sinere Famili. As Tyrann vo dene beede Stedt hett er Chrieg mit de Tyranne Gelon vo Syrakus und Theron vo Akragas gfüert und sich debii mit Karthago vebündet. Ane 480 v. Chr. hett er de Gelon vo Syrakus as Oberherr müese anerchene. Er isch ane 476 v. Chr. gstorbe und de Mikythos het as Vormund för sini zwee jugedlichi Söö regiert. Ane 467 v. Chr. hett de a dene d Herrschaft öbergee. 461 v. Chr. sind si gstürzt wore.