Oligarchii

D Oligarchii (vom altgriech. ὀλιγαρχία oligarchia ‚Heerschaft vo Weenige‘, zämmegsetzt us ὀλίγοι oligoi ‚Weenigi‘ und ἀρχή archē ‚Heerschaft‘) isch in dr klassische (antike) Verfassigsleer d Entartig vo dr Aristokratii. Zum sich vo deere Bedütig abzgränze und uf dr äigentlig Sinn vom Wort zruggzchoo, verwändet mä hüte au dr Begriff Oligokratii (griech. κρατία kratía ‚Macht‘, ‚Heerschaft‘, ‚Chraft‘, ‚Sterki‘), wo s Gliiche bedütet.

"Oligarchia" isch noch em Aristoteles nit nume d Herschaft vo Weenige, sondern d Herschaft vo deene, wo enormi materielli Ressurse chönne in Macht verwandle.

Änlig wird z Russland dr Begriff Oligarch sit de 1990er Joor brucht, zum Gschäftslüt z bezäichne, wo s Publikum von ene dänggt, ass si in dr chaotische Zit noch dr Uflöösig vo dr Sowjetunion uf illegali Art zu groossem Riichdum und politischem Iifluss cho si. Dr Begriff wird eso au vo de internazionale Medie brucht und sit de Bresidäntschaftswaale im Joor 2004 au uf d Ukraine bezooge.

Litratuur

• Martin Ostwald: Oligarchia. The Development of a Constitutional Form in Ancient Greece. In: Historia. Einzelschriften Heft 144, Steiner, Stuttgart 2000, ISBN 3-515-07680-8 (änglisch)
• Gustav Adolf Lehmann: Oligarchische Herrschaft im klassischen Athen. Zu den Krisen und Katastrophen der attischen Demokratie im 5. und 4. Jahrhundert v. Chr. In: Nordrhein-Westfälische Akademie der Wissenschaften - Vorträge. Westdeutscher Verlag, Opladen 1997, ISBN 3-531-07346-X.

Weblingg

• Porträts und Hintergrundinformationen zu den neuen russischen Oligarchen bi netstudien.de
• Oligarchen Russlands im Meinungsspiegel der Öffentlichkeit

Fuessnoote

Dä Artikel basiert uff ere fräie Übersetzig vum Artikel „Oligarchie“ vu de dütsche Wikipedia. E Liste vu de Autore un Versione isch do z finde.