Die amorischi Dünastii

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

As amorischi Dünastii bezäichnet mä die byzantinischi Dünastii, wo vom Kaiser Michael II. gründet worde isch. Si het Byzanz vo 820 bis 867 regiert. Zur Dünastii häi näben em Michael II. d Kaiser Theophilos und Michael III. ghöört.

Dr Naame vo dr Dünastii chunnt vo dr Häimet vom Michael II., d Stadt Amorion in Früügie in Chläiasie. Mänggisch säit men ere au die früügischi Dünastii. Dr Michael II. het sich zerst im ene bluetige Bürgerchrieg gegen e Thomas müesse duuresetze. S Riich isch in dr Zit vo de amorische Kaiser im Oste vom Kalifat aagriffe worde; arabischi Drubben häi 838 sogar Amorion erooberet und zerstöört. An dr bulgarische Gränze hingeege isch s witgehend rueig gsi. Innepolitisch si dr Michael II. und dr Theophilos wäärend dr zwäite Faase vom Bilderstrit uf dr Site vo de Bildergegner gstande. Dr Bilderstrit isch denn in dr Regierigszit vom Michael III. beändet worde.

Liddratuur[ändere | Quälltäxt bearbeite]

  • Leslie Brubaker, John F. Haldon: Byzantium in the Iconoclast era. c. 680–850. A History. Cambridge University Press, Cambridge u. a. 2011, ISBN 978-0-521-43093-7.
  • Ralph-Johannes Lilie: Byzanz – Das zweite Rom. Siedler, Berlin 2003, ISBN 3-88680-693-6.
  • Warren Treadgold: The Byzantine Revival, 780–842. Stanford University Press, Stanford 1988.
Information icon.svg Dä Artikel basiert uff ere fräie Übersetzig vu dere Version vum Artikel „Amorische_Dynastie“ vu de dütsche Wikipedia.

E Liste vu de Autore un Versione isch do z finde.