Àmerikànisch Anglisch

Us der alemannische Wikipedia, der freie Dialäkt-Enzyklopedy
Àmerikànisch Anglisch
(American English)
Verbreitig: Vereinigte StaatenVereinigte Staaten Verainigta Schtààta
Sprecher: äbba 260 Mio. (2016)
Linguistischi
Klassifikation
:
Offizieller Status
Amtssprooch vo: Vereinigte StaatenVereinigte Staaten Verainigta Schtààta (de facto)
Dialäkt: Mìlhüüserdiitsch

Àmerikànisch Anglisch (anglisch American Englisch GT American English.ogg [əˈmɛɹɪkən ˈɪŋɡlɪʃ], kurz AE odd’r AmE) ìsch d’ Wàrianta vu dr anglischa Schprooch, wo ìn da Verainigta Schtààta vun Àmerika grädd wìrd.

Wia’s üsgseht[ändere | Quälltäxt bearbeite]

Ìn siinera Gschìcht ìsch s’ àmerikànischa Anglisch dur d’ verschììdena anglischa Dialäkter vu da Iiwànderer üss Anglànd, Schottlànd un Irlànd beiiflusst worra, àwwer àui dur Schproochkontàkta mìt Frànzoosa, Schpànier un àmerikànischa Üriiwoohner. S’ uffàllendschta Märkmool vum àmerikànischa Anglisch ìsch d’ Tàtsàch, àss’s rhootisch ìsch: dr r-Lüüt wìrd àui nooh Vokààla (zem Biischpììl am Wortand) üssgschproocha. S’ àmerikànischa Anglisch hàt a aiga Wortschàtz, wo sìch vum Wortschàtz vum britischa Anglisch zem Tail unterschaidet — zem Biischpììl fìr „Füassgangerwaag“ sajt maa sidewalk uff Àmerikànisch àwwer pavement ìm britischa Anglisch. Ìm Vergliich zem britischa Anglisch ìsch d’ àmerikànischa Wàrianta relàtiiv homogeen. ’S gìtt doch àui regionààla Unterschììd, vor àllem zwìschem Nordoschta, em Süüda, dr Mìtta un em Wäschta vu da USA. ’S gìtt àui Schproochunterschììd zwìscha da verschììdena Beväälkerungsgruppa; d’ wìchtigschta d’rvuu sìnn s’ African American Vernacular English bii da Àfroàmerikàner un s’ Hispanic American English bii da Hispano-Àmerikàner. S’ àmerikànischa Schtàndardanglisch wìrd àls General American bezaichent; ’s wìrd vor àllem ìm Wäschta vu da USA grädd. Sitter’m And vum 19. Joohrhundert düen sìch vììla Schproochwìssaschàftler mìt’m àmerikànischa Anglisch beschaftiga — sitterhar sìnn mehrera Wärterbiacher un a schproochliger Atlas vum àmerikànischa Anglisch veräffentligt worra.

Klàssifikàzioon[ändere | Quälltäxt bearbeite]

Maa sajt, àss s’ àmerikànischa Anglisch a nàzionààla Wàrianta vu dr wäschtgermànischa Schprooch Anglisch ìsch. Zamma mìt àndra nàzionààla Wàrianta vum Anglischa, wia zem Biischpììl s’ britischa Anglisch, s’ àuischtrààlischa Anglisch odd’r s’ näiseelandisch Anglisch, wìrd s’ àmerikànischa Anglisch àui àls a Wàrietäät vu dr plurizäntrischa anglischa Schprooch bezaichent. S’ àmerikànischa Anglisch ìsch aina vu da Wàrietääta vum Anglischa, wo bii dr Mehrhait vu dr Beväälkerung d’ Müatterschprooch vun ìhra Reedner ìsch. ’S gìtt àwwer nàdììrlig ìn da USA àui Mìnderhaita, wo àndra Schproocha reeda un Anglisch àls Zwaitschprooch glarnt hann, wia zem Biischpììl d’ schpànisch- frànzeesch-, diitsch- und kineesischschproochiga Mìnderhaita.[1] Domìt düet sìch s’ àmerikànischa Anglisch vu nàzionààla Wàrianta vun àndra Lander unterschaida, vor àllem ìn Àfrikà un Àsia, wia zem Biischpììl vum ìndischa Anglisch: ìn dana Lander ìsch Anglisch zwàr hüüfig Àmtsschprooch un schpììlt a groossa Roola ìn da Meedia un ìm Bìldungssüschteem, àwwer ’s wìrd numma-n-àls Zwaitschprooch vu da maischta Reedner benutzt.[2]

S’ àmerikànisch Anglisch ìsch zamma mìt’m britischa Anglisch a Hàuiptwàrietäät vum Anglisch. Amerikànisch Anglisch wìrd ìn vììla Lander, wu Anglisch àls Zwait- odd’r Främdschproocha grädd wìrd, àls Laitnorm ààglüagt. Vor àllem ìn Àsia hàt Àmerikànisch s’ britischa Anglisch àls Vorbìld àbgleest.[1] Dr Iifluss vu dr anglischa Schprooch, bsunders vum amerikànischa-n-Anglisch ìn dr Walt wìrd ìmmer greesser. Doo drbii schpììlt d’ àmerikànischa Filmìndüschtrii un Popmüüsik a wìchtiga Rolla, wia àui d’ Rolla vum Àmerikànisch Anglisch àls Unterrìchtschprooch ìn vììla Schtààta.[3]

Biischpììler[ändere | Quälltäxt bearbeite]

Lìteràtüür[ändere | Quälltäxt bearbeite]

ìwwer d’ Gschìcht
  • Henry L. Mencken: The American Language: An Inquiry into the Development of English in the United States. Alfred A. Knopf, Nöi York 1921 (amerikanisches Englisch, bartleby.com [abgerufen am 8. Oktober 2022]).
  • John Algeo: The Cambridge History of the English Language VI: English in North America. Cambridge University Press, Cambridge 2001, ISBN 0-521-26479-0.
  • Richard W. Bailey: Speaking American: A History of English in the United States. Oxford University Press, Oxford 2012, ISBN 978-0-19-517934-7.
àllgmainliga Bschriiwunga
  • Julie S. Amberg, Deborah J. Vause: American English: History, Structure, and Usage. Cambridge University Press, Cambridge 2009. ISBN 978-0-521-61788-8.
  • Edward Finegan, John R. Rickford: Language in the USA: Themes for the Twenty-first Century. Cambridge University Press, Cambridge 2004. ISBN 978-0-521-77747-6.
  • Klaus Hansen, Uwe Carls, Peter Lucko: Die Differenzierung des Englischen in nationale Varianten. Eine Einführung. Erich Schmidt, Berlin 1996, ISBN 3-503-03746-2.
  • Edgar W. Schneider (Üssg.): Varieties of English: The Americas and the Caribbean. Mouton de Gruyter, Berlin/Nöi York 2008, ISBN 978-3-11-019636-8.
Regionààla Wàriàzioon
  • Timothy C. Frazer: Heartland English: Variation and Transition in the American Midwest. University Alabama Press 2005. ISBN 0-8173-5244-9.
  • William Labov, Sharon Ash, Charles Boberg: The Atlas of North American English: Phonetics, Phonology and Sound Change. Mouton de Gruyter, 2005. ISBN 978-3-11-016746-7.
  • Thomas E. Murray, Beth Lee Simon: Language Variation and Change in the American Midland: A New Look at 'Heartland' English. John Benjamins Publ. Co., 2006. ISBN 978-90-272-4896-1.
  • Walt Wolfram, Ben Ward: American Voices – How Dialects Differ from Coast to Coast. Wiley-Blackwell 2005. ISBN 978-1-4051-2109-5.

Weblìnks[ändere | Quälltäxt bearbeite]

Ainzelnoohwiisa[ändere | Quälltäxt bearbeite]

  1. 1,0 1,1 Klaus Hansen, Uwe Carls, Peter Lucko: Die Differenzierung des Englischen in nationale Varianten. Eine Einführung. Erich Schmidt, Berlin 1996, ISBN 3-503-03746-2, S. 110.
  2. Peter Trudgill, Jean Hannah: International English: A guide to the varieties of Standard English. 5. Ufflààg. Routledge, London/New York 2008, ISBN 978-0-340-97161-1, S. 4–5.
  3. David Crystal: English as a Global Language, 2. Ufflààg. Cambridge University Press, Cambridge 2003, ISBN 978-0-521-53032-3, S. 100, 103.
Information icon.svg Dä Artikel basiert uff ere fräie Übersetzig vu dere Version vum Artikel „Amerikanisches_Englisch“ vu de hochdütsche Wikipedia. E Liste vu de Autore un Versione isch do z finde.