Allani

d Allani, gfolgt vo de Isḫara (?) und de Nabarbi im hethitische Felshailigtum Yazılıkaya.

D Allani (z Ugarit: aln) isch e hurritischi Göttin. Er Name bidüttet „d Herrin“ (hurrit. allai=ni), well si d Herrin vo de Underwelt isch, wo si e groosse Palast hett. De Wettergott Tessub bsuecht si i dem Palast. En Epithet vonere isch „Rigelholz vo de Erde“, vermuetli en Uusdrugg, wo maint, as si öber s Toor vo de Underwelt wacht.

D Allani isch vo de Hethiter mit de Sunegöttin vo de Erde gliichgsetzt wore und z Mesopotamie isch si as Allatum bikannt wore, wa en akkadisierti Form vom hurritische Namen isch. Im hethitisch-hurritische Felshailigtum Yazılıkaya isch si i de wiibliche Prozession abbildet wore.