Alexandra-Maria Klein

d Alexandra-Maria Klein (2021)

D Alexandra-Maria Klein (* 17. Septämber 1972 z Göttingen) isch e dytschi Bioloogi un Brofässeri fir Natuurschutz un Landschaftsekology an dr Uniwersiteet Fryburg.

Lääbe

D Klein het vu 1993 bis 2000 Biology an dr Uniwersiteet Göttingen studiert un het deert s Diploom gmacht. Anne 2003 het si z Göttingen bi Teja Tscharntke in Agraarekology un Zoology bromewiert. Si isch vu 2007 bis 2008 Gaschtwisseschaftleri in dr Aarbetsgruppe vu dr Claire Kremen an dr University of California, Berkeley gsii, finanziert dur d Alexander-von-Humboldt-Stiftig. Anne 2010 het si si an dr Fakulteet fir Agraarwisseschafte vu dr Uniwersiteet Göttingen habilitiert. Im April 2010 isch d Klein Brofässeri fir Ekosischteemfunzioone am Inschtitut fir Ekology an dr Leuphana Uniwersiteet Lüneburg woore, ab 2011 het si s Inschtitut glaitet. Im Juuni 2013 isch si Brofässeri fir Natuurschutz un Landschaftsekology an dr Uniwersiteet Fryburg woore.

S Hauptinträssi vu dr Klein isch d Ekology vu Bflanze-Insäkte-Interakzioone wie z. B. bi Bstaiber in Kultuurlandschafte. Ire Fookus lyt dooderby uf Biine un ire ekosischteemaare Funkzioone un Laischtige. Si foorscht mit eme funkzionalischtische Aasatz d Stabiliteet vu Ekosischteem un d Wiirkige vu Landschaftsänderige uf Bflanze un Insäkte.

Fir s WDR-Verbruuchermagaziin markt het si uusgrächnet, ass e Uusfall vu Biine as Bstaiber vu Kultuurbflanze z Dytschland Cheschte vu 1,3 Milliarde Euro deet veruursache.

Anne 2016 het me si in dr ZDF-Dokumäntazioon „Ausgebrummt – Insektensterben in Deutschland“ vum Andreas Ewels un em Norbert Porta in Planet Erde chenne sää. Im nämlige Joor het si bi dr ZDF-Dokumäntazioon „Arche Noah 2017 – Die lange Nacht des Artenschutzes“ mit em Harald Lesch un em Dirk Steffens mitgwiirkt un het Interview iber d Uuswirkige vum Insäktenstäärbe z. B. fir d Tagesschau un heute gee. Hörfunk-Beiträge bestritt sie u. a. für Detektor fm und den Deutschlandfunk (Zwischentöne).

Brojäkt

D Klein koordiniert s Horizont-Europa-Brojäkt „RestPoll“ (Restoring pollinator habitats across European agricultural landscapes based on multi-actor participatory approaches), wu im Oktoober 2023 aagfange het un s Zyyl het, Lääbesryym fir Bstaiberinsäkte duurhaft widerhäärzstelle un z vernetze.

Ir Aarbetsgruppe het bim Jena-Experimänt (DFG-Brojäkt 2010–2013) mitgmacht un het Pflanzen-Insekten-Interaktionen, Blütenmerkmale und Bestäubung entlang eines experimentellen Pflanzendiversitäts-Gradienten un Oberirdische Pflanzen-Insekten-Interaktionsnetze und assoziierte Prozesse entlang eines Pflanzendiversitätsgradienten (mit Christoph Scherber) untersuecht.

In Kooperazioon mit em Unternäme Bayer CropScience het si bis 2014 im Brogramm Global evaluation of bee attractiveness and apicultural relevance of agricultural crops un zäme mit em Teja Tscharntke an dr ekoloogische Bewäärtig vu dr Kultuurbflanze-Bstaibig in dradizionälle Husgäärte z Indoneesie (DFG 2012–2015) gfoorscht. Um e meegligerwyys noohaltigi Brodukzioon vu Biosprit isch s bi dr „Leuphana-Forschungsplattform für nachhaltige Biokerosinproduktion“ z Lüneburg zäme mit em Ekonoom Stefan Schaltegger gange. Z China het si ne Brojäkt iber Oberirdische multi-trophische Pflanzen-Insekten-Interaktionen in einem chinesischen subtropischen Wald mit em Nico Blüthgen in dr DFG-Foorschergruppe „BEF China“ (2011–2016) bedreit. Syt 2022 koordiniert si d DFG-Foorschigsgruppe „MultiTroph“, wu an d Aarbet vu BEF China aaschließt. Vu 2015 bis 2018 het si ne EU-Biodiversa-Brojäkt „EcoFruit“ mit Paartner vu Spaanie (z. B. Jordi Bosch) un Schweede (z. B. Peter Hambäck) koordiniert.

Bryys un Mitgliidshafte

Fir iri Fäldaarbet 2009 z Kalifornie het si dr Humboldt-Foorschigsbryys iiberchuu. 2012 isch iri Aarbet fir Program Enhancement Fund vu dr Ecological Society of America uusgweelt woore.

Anne 2013 isch si fir s Fach „Ekology vu Agraarlandschafte“ im Fachkolleegium Agraar-, Foorschtwisseschafte un Diermediziin vu dr Dytsche Foorschigsgmainschaft gweelt woore, 2016 isch si widergweelt woore.

Anne 2014 hat si fir iri Foorschig zue Uuswiirkige vu Landschaftsänderuige uf Biine un anderi Bstaiber dr CULTURA-Bryys vu dr Alfred-Toepfer-Stiftig iiberchuu.

Au im Joor 2014 isch si zur Laitautoori vum Wältbiodiversiteetsroot IPBES fir s Aarbetsbrogramm „Bstaiber, Bstaibig un Naarigsmittelbrodukzioon“ ernännt woore. Fir dr European Academies Science Advisory Council isch si dur d Leopoldina in d Expertegruppe „Ekosischteemlaischtige, Landwiirtschaft un Neonikotinoid“ ufgnuu woore.

Vu 2015 bis 2023 isch si Viizebresidänti vu dr Gsellschaft fir Ekologi gsii un syt 2017 isch si Mitgliid vu dr Senaatskummissioon fir Grundsatzfrooge vu dr bioloogische Vyylfalt (SKBV) vu dr DFG. Syt 2022 isch si Mitgliid vu dr Haidelbercher Akademy vu dr Wisseschafte.

Uusglääseni Schrifte

• Das wächst in deiner Stadt: #Krautschau – 95 Pflanzen erkennen (mit Julia Krohmer). Kosmos Verlag
• Bienen, Wespen und ihre Gegenspieler in Kaffee-Anbausystemen auf Sulawesi: Bestäubungserfolg, Interaktionen, Habitatbewertung. Dissertation, Universität Göttingen, 2003 (online).
• Importance of pollinators in changing landscapes for world crops. [Proceedings of the Royal Society, Series B.] 274:303-313, 2007.
• Wild pollinators enhance fruit set of crops regardless of honey-bee abundance. Science 339:1608-1611, 2013.
• Fliegen, Motten, Wanzen. Honig- und Wildbienen haben viele Helfer, doch ersetzbar sind sie nicht. ADIZ - Die Biene – Imkerfreund, S. 34–36, 2016.

Weblink

• Literatur vu un iber Alexandra-Maria Klein im Katalog vu dr Dütsche Nazionalbibliothek
• Websyt vu dr Alexandra-Maria Klein
• Alexandra-Maria Klein uf dr Websyte vu dr Uniwersiteet Fryburg
• Deutschlandfunk Zwischentöne, 14. Januar 2024: Alexandra Klein im Gespräch mit Julius Stucke