Alexander Schoch

Dialäkt: Undermarkgreflerisch

dr Alexander Schoch (2013)

Dr Alexander Schoch (* 14. Augschte 1954 z Friburg) isch e dytsche Bolitiker (Bindnis 90/Di Griene).

Uusbildig un Beruef

Dr Schoch isch uf d Grund- un Hauptschuel gange un het derno ne Lehr zum Vermässigstächniker gmacht. Är het iber dr zweet Bildigswäg s Abitur noogmacht un het derno Bolitikwisseschaft, Wirtschaftswisseschaft, Geografy, Diplompedagogik un Psychology studiert un mit em Staatsexamen un em Diplom abgschlosse. Är isch bis 2005 Bundesgschäftsfierer un Tarifverhandligsfierer bi dr Gwerkschaft ÖTV beziehigswys ver.di gsii. Wäg em Umzug vu dr Bundesverwaltig vu Stuegert uf Berlin isch er 2005 Bildigsreferänt vu dr Gwerkschaft ver.di un 2008 Fachberaichslaiter im Bezirk Mittelbade-Nordschwarzwald wore. Är schaft derzue as ehrenamtlige Richter.

Bolitischi Laufbahn

Dr Schoch isch vu 1984 bis Oktober 2000 Stadtrot fir „Die Offene Liste“ (DOL) z Waldkilch gsii. Syt 1994 isch er Mitglid im Chraisrot vum Landchrais Ämmedinge unsyt 2009 isch er au Spräche vum Ortsverband vu dr Waldkilcher Griene. Bi dr Landdagswahl 2011 isch er im Wahlchrais Ämmedingen aadrätte un isch mit 30,4 % vu dr Stimmen in Landdag gwehlt wore. In dr Landdagsfraktion vu dr Grienen isch er energy- un arbetsmärtbolitische Sprächer.

• Mitgliid im Umwältuusschuss
• Mitgliid im Petitionsuusschuss
• Stellverdrättend Mitgliid im Bildigsuusschuss
• Stellverdrättend Mitgliid im Sozialuusschuss
• Stellverdrättend Mitgliid im Uusschuss fir dr Ländlig Ruum..
• Stellverdrättend Mitgliid im Finanz-/Wirtschaftsuusschuss
• Stellverdrättend Mitgliid im Innenuusschuss
• Stellverdrättend Mitgliid im Integrationsuusschuss
• Stellverdrättend Mitgliid im Ständigen Uusschuss
• Stellverdrättend Mitgliid im Wisseschaftsuusschuss
• Stellverdrättend Mitgliid im Europauusschuss
• Stellverdrättend Mitgliid im Verchehrsuusschuss

Sunschtigs Engaschmänt

• Mitgliid vum Kuratorium vu dr Landeszentrale für politische Bildung Baden-Württemberg
• Mitgliid vu dr Arbeitsgemeinschaft Wasserkraftwerke Baden-Württemberg
• Mitgliid im Stiftigsrot vu dr Stiftung Entwicklungszusammenarbeit (Stv.)
• Mitgliid im Stiftigsrot vu dr Stiftung Kinderland BW (Stv.)
• Mitgliid im Ufsichtsrot vu dr Medien- und Filmgesellschaft BW (Stv.)
• Mitgliid im Ufsichtsrot vu dr Stadtwerke Waldkirch
• Mitgliid im Oberrheinrat

Dr Schoch isch unter anderem Mitgliid vu dr Gwerkschaft ver.di, vu dr Naturfreunde Waldkirch, vu Greenpeace, vum BUND, vum VCD, vum ACE, vum Skiclub Waldkirch, vum Sportverein Waldkirch SVW, vu WABE e. V. (vu 1999 bis 2010 dert au im Vorstand), vu WiWaldi, vum DLRG, vum Rote Chryz, vum Kinderschutzbund, vu dr Narrezumft Krakeelia, vu TRAS, vum Dytsche Dagebuecharchiv, vum Öko-Institut, vum Radio Dreyeckland un vum Förderverein Förderschule.

Derzue isch er Mitgliid vum Kuratorium vu dr Landeszentrale für politische Bildung Baden-Württemberg un vum Vorstand vum Kommunale Kino Waldkirch e. V. „Klappe 11“.

Privats

Dr Alexander Schoch läbt mit syre Familie z Waldkilch.

Weblink

 Commons: Alexander Schoch – Sammlig vo Multimediadateie

• Homepage vum Alexander Schoch
• Uuszug us em Abgordnete-Handbuech vum Landtag vu Bade-Wirttebärg fir di 15. Wahlperiod
• Syte vum Alexander Schoch bi dr Griene-Fraktion