Agroscope

Us der alemannische Wikipedia, der freie Dialäkt-Enzyklopedy

D Agroscope isch s Forschigsinstitut vo dr Schwiiz für Frooge vo dr Landwirtschaft.

Organisazioon[ändere | Quälltäxt bearbeite]

e Forscher vo dr Agroscope

Die Aastalt isch im Eidgnössische Departemänt für Wirtschaft, Bildig und Forschig em Bundesamt für Landwirtschaft zuedeilt. D Forscher probiere d Kwalitet vom Abou vo de Läbensmiddel im Land z verbessere und z hälfe, ass me sorgfältig mit em Bode umgoot und dr Schaade, wo bim Buure für d Umwält entstoot, tuet verchlynere und d Biodiversiteet pflägt. Drby undersueche si Sache im ganze Berych vo dr Landwirtschaft bis zu de fertige Läbensmiddel.

Es ghöre vier bsunderi Institut drzue:

  • s Institut für d Forschig zu de Kulturpflanze IPB
  • s Institut für d Forschig über d Dier INT
  • s Institut für d Wüsseschafte vo de Läbensmiddel ILM
  • s Institut für d «Nochhaltikäit» INH

Gschicht[ändere | Quälltäxt bearbeite]

A der ETH Züri sind ane 1878 e Stazioon zum d Pflanzesoome kontrolliere und es Institut für d Agrarchemy gründet worde. Do druff goot s Forschigszäntrum Reckeholz bi Afoltere zrugg, wo 1943 ygrichtet worden isch.

1886 isch i dr Weschtschwiiz e Forschigsstazioon für d Trüübel ygrichtet worde, wo sech drus die Eidgnössischi Forschigsastalt vo Changins entwicklet het.

1890 isch d Probierastalt für Opscht, Wyy und Gartebou z Wädischwil derzue cho und ane 1901 bi Liebefäld im Kanton Bärn es Institut, wo me Chemy und Milchwirtschaft undersuecht und en Guetsbetriib het.

1874 het dr Bund z Thun mit dr eigene Zucht vo Rösser agfange; sid 1927 het das Huus «Eidgnössischs Gschtüüt» gheisse, hüt isch es s «Schwiizerische Nazionaalgschtüüt» z Avenches.

Sid 1970 git’s z Tänike im Tuurgau d Forschigsastalt für d Wirtschaft und d Technik vom Buure.

Und erscht 1974 isch no d Forschigsstazioon für Dier im fryburgische Posieux bout worde.

Literatur[ändere | Quälltäxt bearbeite]

  • Robert Sieber, Max Rüegg: 100 Jahre Eidgenössische Forschungsanstalt für Milchwirtschaft. 2002.
  • Josef Lehmann: Von der Kontrollstation zum nationalen Zentrum für Agrarökologie: Zur Geschichte der landwirtschaftlichen Forschungsanstalt Zürich-Reckenholz 1878–2003. Zürich 2003.

Weblink[ändere | Quälltäxt bearbeite]

 Commons: Agroscope – Sammlig vo Multimediadateie