Agnes Mirtse

D Agnes Mirtse (* 1938 z Budapest; † 21. Juli 2000) isch en ungaarischi Schriftstellerin gsy.

Si het scho i dr Jugendzyt agfange Gedicht schrybe.

Ane 1956 isch d Mirtse als politische Flüchtling is Exil ggangen und uf Züri choo. Jetz het si iri Wäärch – Gedicht, Gschichte und Theaterstuck – teils au uf Düütsch gschribe und isch so als zwöisproochigi Autorin bekant woorde. Si het au Schrifte is und us em Ungaarischen übersetzt. Vil vo irne Gedicht sind i Zytschrifte und nid in eigete Samelwärch usecho und d Theaterstuck vo dr Mirtse sind schynts gar nie trukt woorde.

1971 het me si i dr Schwiiz ypürgeret. 1978 het si s Studium vo dr Psychology und dr Religionsgschicht a der Uni Züri mit ere Diss abgschlosse.

Dr Agnes Mirtse ire dichterisch Nachlass isch i dr Zäntralbiblioteek Züri.

Wäärch

• Fluchtversuche. Skurrile Skizzen und Geschichten, 1990
• Küsse und eilige Rosen, Limet Verlag, 1998
• Dichtung im Orginalton. Elisabeth Wandeler-Deck – Agnes Mirtse. Klangtransfer – Sprachtransfer. Lyrik, gelesen von den Autorinnen. Lenzburger-Lyrik-Lesung 7. Februar 2000, CD, 2000
• wunschbrüchig – vágy-zavar, Limmat Verlag, Zürich 2004

Literatur

• Ute Kröger: «Zürich, du mein blaues Wunder». Literarische Streifzüge durch eine europäische Kulturstadt. Zürich 2004. Syte 395–396.

• Agnes Mirtse uf limmatverlag.ch