Bezirk Lothringe

Bezirk Lothringe

Dr Bezirk Lothringe (franzesisch Département de la Lorraine) isch vu 1871 bis 1918 ain vu dr drei Bezirk vum Rychsland Elsass-Lothringe im Dytsche Rych gsii. Bezirksstadt isch Metz gsii. S Biet vum Bezirk isch glych wie s hitig Département Moselle. Dr Bezirk het 1910 6.228 km² un 655.211 Yywohner ghaa.

Gschicht

Vum 10. Mai 1871 (Friiede vu Frankfurt) bis zum 28. Juni 1919 (Friidesverdrag vu Versailles) isch dr Bezirk e Dail vum Dytsche Rych gsii.

Bezirksbresidänte

Siigelmarke vum Bezirksbresidänt

Am Spitz vum Bezirks isch e Bezirksbresidänt (Bezirkspräsident, Président du département) gstande:

• 1871, März–September: Leonce von Könneritz, as Brefäkt
• 1871–1872: Guido Henckel von Donnersmarck
• 1872–1873: Botho zu Eulenburg
• 1873–1874: Adolf von Arnim-Boitzenburg
• 1875–1876: Robert Viktor von Puttkamer
• 1877–1880: Friedrich von Reitzenstein
• 1881–1882: Adalbert von Flottwell
• 1883–1900: Hans von Hammerstein-Loxten
• 1901–1912: Friedrich von Zeppelin-Aschhausen
• 1913–1918: Karl von Gemmingen-Hornberg

Verwaltigsgliiderig

Dr Bezirk isch in zeh Chrais gliideret gsii.

• Metz (Stadtchrais)
• Bolchen
• Château-Salins
• Diddenuewen
• Diddenuewen-Oscht
• Diddenuewen-Wescht
• Fuerboch
• Metz-Lànd
• Saarbuerj
• Saargemìnn

Bezirksdag

As Volksverdrättig het s dr Bezirksdag Lothringe (frz. Conseil Général de la Lorraine) gee. In däm isch ai Mitgliid us jedem Chrais vum Bezirk ghockt, insgsamt also 10 Lyt. Gwehlt wore sin die Mitgliider dur d Gmaine. D Bezirksdäg hän d Mitgliider vum Landesuusschuss gwehlt.

Bresidänte vum Bezirksdag vu Lothringe

• 1874–1881: Auguste-François Adam
• 1881–1911: Eduard Jaunez
• 1911–1918: Georges Ditsch

Literatur

• Amtsblatt für den Bezirk Lothringen / Recueil officiel des actes administratifs du Département de la Lorraine; firigange uis em 'Amtsblatt des Départements Deutsch-Lothringen / Recueil officiel des actes administratifs du Département de la Lorraine allemande', erschene ab em 18. Dezämber 1870)
• Die Alten Territorien des Bezirkes Lothringen mit Einschluß der zum Oberrheinischen Kreise gehörigen Gebiete im Bezirke Unter-Elsaß nach dem Stande vom 1. Januar 1648, Teil II, DuMont Schauberg, Köln 1909, pp. 176–185.
• Ernst Bruck: Das Verfassungs- und Verwaltungsrecht von Elsaß-Lothringen: 3 Bde. Trübner, Straßburg im Elsass 1908–1910. (Online).
• Stefan Fisch: „Das Elsaß im deutschen Kaiserreich (1870/71–1918)“, in: Das Elsass. Historische Landschaft im Wandel der Zeit, Michael Erbe (Hg.), Kohlhammer, Stuttgart 2003, S. 123–146. ISBN 3-17-015771-X.
• Georg Lang: Der Regierungs-Bezirk Lothringen: statistisch-topographisches Handbuch, Verwaltung-Schematismus und Adressbuch, Lang, Metz 1874
• François Roth: La Lorraine annexée: étude sur la Présidence de Lorraine dans l'Empire allemand (1870-1918), 2. Ufl., Serpenoise, Woippy 2007. ISBN 978-2-87692-720-9
• Verhandlungen des Bezirkstages von Lothringen / Procès-verbaux des délibérations du Conseil Général de la Lorraine, Metz (1874–1918)

Weblink

• „Bezirk Lothringen“ uf territorial.de