Weichsel

Us der alemannische Wikipedia, der freie Dialäkt-Enzyklopedy

Weichsel
Weichsel mit Izugsgebiet und Näbeflüss
Date
Laag	Pole
Längi	1047km
Quelle	i de Westbeskiden
Mündig	Oschtsee by Danzig
Grossstedt	Krakau, Warschau, Thorn, Danzig
Schiffbar	900km, ab Zabrzeg

D Weichsel (uf polnisch: Wisła [ˈvʲiswa], uf tschechisch: Visla) isch en 1.047 Kilometer lange Fluss z Pole.

Uf alte Landcharte gseht me au noo d'Schribwiis Wixel und Wissel.

Inhaltsverzeichnis 1 Wo d Weichsel duureflüsst 2 Gschicht 3 Sunschtigs 4 Städt wo a de Weichsel liged 5 Näbeflüss 6 Lueg au noo

[ändere] Wo d Weichsel duureflüsst

D Quälle vom Fluss entschpringt i de Westbeskide am 1.214 m grosse "Barania Góra" (Widderberg). Meischtens flüsst er Richtig Oschtsee nordwärts.

De Fluss flüsst dur Dur Krakau (Kraków) und dur d Ebeni zwüsche em Heiligchrüzmassiv im Weschte und em Lubliner Hügelland im Oschte, denn passiert d Weichsel s polnische Tüüfland, wo si dur Warschau (Warszawa) flüsst. Schpöter chunnt si a Toruń (Thorn) und Bydgoszcz (Bromberg) vorby. D Weichsel tritt i de Danziger Mündig i d Oschtsee.

[ändere] Gschicht

De Name vo de Weichsel isch sehr alt. Me isch sich aber nöd einig, öb er en indoeuropäische oder en vor-indoeuropäische Name hät. Was mer weis isch, das sin Name zum erschte Mal isch als Vistula vom Plinius em Ältere 77 n. Chr. i siner „Naturgschicht“ (4.52, 4.89) gnännt worde isch. Der Vistula-Fluss isch isch is Mare Suebicum gflosse, di hütig Oschtsee.

Plinius hät d Weichsel au noo als Gränzfluss zwüsche de germanische und sarmatische Iiflussgebiet gnännt.

[ändere] Sunschtigs

De glich Name hät au d letschti Chaltiisziit vom Pleistozän, nämli d Weichsel-Chaltziit, im norddütsche Gebiet.

S Weichselmündigsgebiet isch e wichtigi Station i de Gschicht vo de Russlandmennonite. S Niderdütsche Plautdietsch isch det i de 200-jährige Sidligsziit entschtande und wird hüt vo öppe einer halbe Million Mänsche gredt.

[ändere] Städt wo a de Weichsel liged

• Danzig (poln. Gdańsk),
• Motława (dütsch Mottlau)
• Malbork (Marienburg), Nogat
• Tczew (Dirschau)
• Grudziądz (Graudenz)
• Kazimierz Dolny
• Chełmno (Kulm)
• Bydgoszcz(Bromberg)
• Thorn (poln. Toruń)
• Płock (Plotzk)
• Warschau (poln. Warszawa)
• Sandomierz (Sandomir)
• Krakau (poln. Kraków)
• Ustron
• Wisła (Stadt) (Weichsel)

[ändere] Näbeflüss

• Brda dütsch: Brahe
• Bzura
• Drewenz
• Dunajec, dütsch: Dohnst
• Ferse (Fluss)
• Kamienna
• Liebe (Fluss)
• Motława, dütsch: Mottlau
  • Radunia, dütsch: Radaune
• Narew
  • Westlicher Bug
• Nida (Fluss)
• Osa (Fluss)
• Pilica (Fluss), dütsch: Pilitza
• Radomka
• Przemsza, dütsch: Perzemsa
• San (Fluss)
• Sanna (Weichsel)
• Skawa, dütsch: Schaue
• Sola (Fluss)
• Wda, dütsch: Schwarzwasser
• Wierzyca

[ändere] Lueg au noo

• Lischte vo de längschte Flüss