Vivid Curls
| Vivid Curls | |
|---|---|
| Gründig | 2002 |
| Genre | Folkrock |
| Gründigsmitglider | |
| Gsang, Gitarre | Irene Schindele |
| Gsang, Gitarre | Inka Kuchler |
| Aktuelli Bsetzig | |
| Gsang, Gitarre | Irene Schindele |
| Gsang, Gitarre | Inka Kuchler |
| Cajòn, Konga | Markus Wohner |
| Bass | Peter Wachter |
| Gitarre, Mandoline | Matt Schaffer |
| Ehemaligi Mitglider | |
| Gitarre, Klavier | Werner k |
D Vivid Curls sin e dytsch Folkrock-Duo us em Allgai.
Inhaltsverzeichnis |
[ändere] Gschicht
Anne 2002 hän sich d Irene Schindele (* 19.10.1980 z Minche) un d Inka Kuchler (* 01.03.1977 z Kempte) chänneglehrt. Si sin boodi z Wiggeschbach bi Kempte ufgwagse. Wu si ihre gmeinsam Inträsse am Musik mache uusegfunde hän, hän si bschlosse mitenander dur Europa z reise un Stroßemusik z mache.
In dr Aafangsjohre hän si vor allem Coversongs gsunge, zem Byschpel vu dr Melisse Etheridge, vu dr Alanis Morissete un vu dr Beatles. Mit dr Zyt hän si aber au allmeh ihri sälber gschribene Lieder gsunge, vil dervu im Allgaier Dialäkt, e Deil au uf Änglisch oder Spanisch. Syt 2007 wäre d Vivid Curls vun ere Band begleitet.
Ihre erscht Album Allgäu hän d Vivid Curls anne 2008 uusebrocht. S het zwelf Lieder druf, nyyn dervu uf Allgaiisch, zwei uf Änglisch un eis uf Spanisch. S zweit Album Lebenstanz isch ganz unplugged gsi un isch 2009 uusechuu. Im dritte Album D'Aufstand, wu si 2010 uusebrocht hän, hän sich d Lieder uf sozialkritischeri Theme verlageret: iber dr Klimawandel, zem Konsumwahn, zue Religionschrieg. Au im zweite un dritte Album het s Lieder uf Änglisch un uf Spanisch, di meischte sin aber uf Allgaiiisch.
Im Lauf vu dr Johr sin d Vivid Curls iber s Allgai uuse bekannt wore mit Ufdritt im SWR Färnseh, mit Konzärt im ganze siddytsche Ruum, zem Byschpel bim Tollwoodfestival z Minche
2010 hän d Vivid Curls bim Dytsche Rock & Pop-Bryys in dr Kategori Beste Popgesanggruppe dr 1. Bryys gwunne.
[ändere] Lieder im Dialäkt
D meischte vu ihre eigene Lieder singe d Vivid Curls mittlerwyyli im Allgaier Dialäkt. No dr bode Sängerne sej des d Sproch, wu si am ringschte chennte schwätze un wu dodermit au di persenligschte Text din dete entstoh. Si sächte dr Allgaier Dialäkt au as ebis Wärtvolls aa un mechte mit ihre Lieder derzue byydrage, ass er erhalte blybt.
[ändere] Namme
Dr Namme Vivid Curls (ängl.: läbigi Locke) beziet sich uf di lange Locke vu dr bode Sängerne.
[ändere] Bandmitglider
- Inka Kuchler – Gsang, Akustikgitarre
- Irene Schindele – Gsang, Akustikgitarre
- Markus Wohner – Cajòn un Konga
- Peter Wachter – Akustikbass
- Matt Schaffer – Akustikgitarre un Mandoline
Ehmoligi:
- Werner k – Gitarre un Klavier
[ändere] Diskografii
[ändere] Albe
- Allgäu, 2008
- Lebenstanz, 2009
- D'Aufstand, 2010
[ändere] Singles
- Christkind fliag, 2006 (vergriffe)
- Vorg'schmack, 2007 (vergriffe)
- Christkind fliag, 2007 (nej ufgnuu)
