Vedute

E Vedute (italienisch veduta ‚Aasicht‘, ‚Ussicht‘) isch in dr Bildende Kunst (Moolerei, Grafik) die wirklichkäitsdröiji Daarstellig von ere Landschaft oder eme Stadtbild. S Wichdigste drbii isch die realistischi Abbildig und alli andere Aspäkt bi dr Gstaltig vom Bild wie Liecht und Schatte, Farbe usw. si däm undergordnet. D Vedutemoolerei isch Däil vo dr Landschaftsmoolerei und isch je noch em Expärte im 17. Joorhundert oder scho um 1500 mit Bilder wie em Gentile Bellini siner „Prozessioon uf em Markusblatz“ (1495) oder em Vittore Carpaccio sim „Wunder vo dr Reliquie vom häilige Chrüz“ (1494) entstande. Dr Schãr isch im 18. Joorhundert mit em Italie-Turismus vo de änglische Aristokrate bsundrigs populär gsi, wo die Bilder vo römische Antike oder norditaliänische Stedt as „Souvenir“ vo dr Grand Tour mit häi gnoo häi.

Stadtaasichte

Giovanni Antonio Canale gen. Canaletto: Dr Bucintoro z Venedig am Himmelfaartsdaag
Bernardo Bellotto gen. Canaletto: Verona vo dr Nöije Brugg us d Etsch ufwärts gsee
Gaspar van Wittel: D Ängelsburg vo Süüde
Francesco Guardi: Dr Doschebalast z Venedig
Giovanni Paolo Pannini: S Kolosseum und dr Driumfbooge vom Käiser Konstantin z Rom

Liddratuur

Stephan Füssel, Rem Koolhaas, Hist. Museum Frankfurt/M.: Georg Braun, Franz Hogenberg: Civitates orbis terrarum (Städte der Welt). 363 Kupferstiche mit 564 Stadtansichten neu herausgegeben und kommentiert. Nach einem Original des Historischen Museums Frankfurt. Das Original erschien von 1572 bis 1618. Taschen, 520. Seiten. ISBN 978-3-8365-1125-4
Walter Koschatzky : Die Meister der Wiener Vedute, Edition Szaal, Alt Wiener Veduten, Wien 2002
Sebastian Münster, 1544
Christoph Wetzel: Das Reclam Buch der Kunst. Stuttgart: Philipp Reclam jun., 2001. ISBN 3-15-010476-9

Weblingg

Commons: Landschaftsmoolerei – Sammlig vo Multimediadateie

Commons: Cityscapes in art – Sammlig vo Multimediadateie

Dä Artikel basiert uff ere fräie Übersetzig vu dere Version vum Artikel „Vedute“ vu de dütsche Wikipedia. E Liste vu de Autore un Versione isch do z finde.