Ungarischer Forint
Us der alemannische Wikipedia, der freie Dialäkt-Enzyklopedy
| Forint | |
|---|---|
| Land/Länder |  Ungarn |
| Underdeilig | keini bis 1999 hundert Fillér |
| Abchürzig | Ft. |
| Abchürzig (ISO-4217) | HUF |
| Wechselkurs (17. März 2009) |
1 EUR = 299,68 HUF 100 HUF = 0,33369 EUR |
| Im Umlauf | 1946 bis 2012(?) |
| Chleinsti Münze | 5 Forint |
| Gröschte Schyn | 20'000 Forint |
De Ungarisch Forint (ung. magyar forint [ˈmɒɟɒr ˈforint], Abchürzig: HUF) isch d'Währig vo Ungarn.
Inhaltsverzeichnis |
[ändere] Gschicht
Im mittelalterlige Königrych Ungarn und in de östrych-ungarische Monarchy isch de Forint scho e bekannti Währig gßi. Er isch au in andere Länder benutzt worre.
Noch em Zweite Wältchrieg, am 1. August 1946, isch als Folg vo de Hyperinflation de hüttig Forint anstell vom Pengő ygfiehrt worre: de Forint isch nümmi uss Gold gßi. Er isch sällemols no in hundert Fillér underdeilt worre, sälle isch aber sit 1999 nümmi im Umlauf.
Au noch em Ydritt vo Ungarn in di Europäischi Union isch de Forint blybe, er isch aber nümmi lang im Umlauf. Wänn de Euro ygfiehrt wird, isch im Momänt no nit chlärt. Noch de letschte Agabe wird er no bis 2012 s Zahligsmittel vo Ungarn ßy.
Am 1. März 2008 ßin d'1- und 2-Fillér-Münze abgschafft worre; ihri Herstellig hät d'Notebank mehreri Milliarde Forint chostet. D'Brys, wo nit mit me Nuller oder me Fümfer uffhöre, mien uff- (2,49 und weniger) bzw. abgrundet (2,5 und meh) werre. Vyli Kasse und Kassebrogramm hän sich no nit do dra abasst, sällewäg mien d'Brys oft no im Chopf usgrächnet werre. Bi Kontoständ wird jewyls di ganzi Summe uff- oder abgrundet.
[ändere] Münze
Di erschte ungarische Münze ßin im Johr 1946 brägt worre; es hät si im Wert vo 2, 10 und 20 Fillér und 1, 2 und 5 Forint gee. Sälli Münze ßin bis 1989 hergstellt worre und in säller Zit numme um Chleinigkeite verändert worre, usserdem hät mer d'50-Fillér-, 1- und 2-Forint-Münze agschafft. 1989 ßin völlig neui Münze im Wert vo 1 bis 200 Forint usegee worre; de Fillér isch bis zum Johr 1999 stufewis abgschafft worre.
Di erschti zweifarbigi Münze, s 100-Forint-Stück, wo hütt no im Umlauf isch, isch im Johr 1996 usegee worre. Sit 2002 werre jedes Johr neui Münze in de Verchehr brocht. Für Sammler werre au Münze uss Buntmetall, Silber und Gold hergstellt.
[ändere] Schyn
D'Schyn ßin vom Grafiker Károly Vagyóczky gstaltet worre. Si werre in de Diósgyőri Papírgyár ("Babierfabrik Diósgyőr") druckt und alli glych groß (154x70 mm). Uff allne Gäldschyn findet mer
- uff de Vordersite de Wert, de Stempel vo de Magyar Nemzeti Bank (Ungarischi Nationalbank), s Wappe vo Ungarn
- uff de Rucksite de Wert und verschydeni Abbildige
[ändere] Extärni Site
| Wiktionary: Forint — Wortherkunft, Synonym und Übersetzige |
- Magyar Nemzeti Bank – Ungarischi Nationalbank
- Abbildige vo de verschydene Münze
- Abbildige vo de verschydene Schyn
|
E Liste vo de Autore findsch dört. |
