Umlaufzeit

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Markgräflerisch (Ebringe)

In de Astronomi isch d' Umlaufzitt d'Zitt, wo ä Himmelskörper ä vollständigi Umrundig zue sinem Bezugspunkt drin vollfüehrt.

Bezugssystem[ändere | Quälltäxt bearbeite]

Siderischi Periode (1 nach 2) und Synodischi Periode (1 nach 3).

Debi isch z'beachte, dass es mehreri Bezugspunkt gä cha. So cha z.B. d'Umlaufzitt vum Mond mit oder ohni Irechnig vu de gliichzittige Bewegig vu de Erde um d'Sunne agä werre. Normalerwiis wird d' Umlaufzitt gege ä meeglichst statischs Bezugssystem agä, wofer maistens de Sternehimmel dient. Ä sonigi Umlaufzitt wird "siderisch" (relativ zue de Sterne) gnennt.

De Bezug cha aber au die (schinbar) Sunneposition sii (Synodischi Periode), de Chnote vu ainzelne Planetebahne ("drakonitisch"), de Schwerpunkt vum gsamte Sunnesystem oder vu zwai vu sinene Körper (baryzentrisch) oder de "Rest vum Universum" (Inertialsystem) sii.

Allgmain bezaichnet mer in de Astronomi ai Umlauf vum ä Planet um d'Sunne als Johr, vume Mond um si Planet degege als Munät. D'Umgangsproch engt de Johresbegriff uf d'Erde und de Munätsbegriff uf de Erdmond i.

Umlaufzite in unserem Sunnesystem[ändere | Quälltäxt bearbeite]

Die siderische Umlaufzitte vum Erdmond un vu de Planete vu unserem Sunnesystem betrage:

Mond 27,32 Däg
Merkur 87,97 Däg
Merkur 224,70 Däg
Erde 365,256 Däg
Mars 686,98 Däg
Jupiter 11,869 Johr
Saturn 29,628 Johr
Uranus 84,665 Johr
Neptun 165,49 Johr
Pluto 247,7 Johr

Demgegeniber sin die synodische Umlaufzitte bi Mond, Merkur, Venus un Mars dütlich länger, ab Jupiter higege zuenämmend chürzer (1,092 bis 1,004 Johr).

Lueg au[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Umlaufzeit“ vu de dütsche Wikipedia.

E Liste vu de Autore un Versione isch do z finde.