Theresia Bauer

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Theresia Bauer (2011)
Theresia Bauer in eme Elektroaudo
Theresia Bauer 2011

D Theresia Bauer (* 6. April 1965 z Zweibrücken/Pfalz) isch e dytschi Bolitikeri (Bindnis 90/Di Griene) un syt Mai 2011 Minischteri fir Wisseschaft, Forschig un Chunscht vum Land Bade-Wirttebärg.

Läbe[ändere | Quälltäxt bearbeite]

Scho in junge Johr het sich d Theresia Bauer in dr chilchlige Jugtedarbet engaschiert. Noch em Abitur het si Bolitikwisseschaft, Volkswirtschaft un Germanischtik z Manne un z Heidelberg studiert. As Studänti isch si hochschuelbolitisch aktiv gsii as studäntischi Verdrätteri im Große un Chlaine Senat un im Verwaltigrot vu dr Universität

Vu 1993 bis 1995 het si Referänti fir bolitischi Bildui in dr Gsellschaft fir bolitischi Ökologi gschafft, derno vu 1995 bis 2001 as Gschäftsfiereri vu dr Heinrich-Böll-Stiftig Bade-Wirttebärg.

D Theresia Bauer isch ghyrote un het zwee Sihn. Si läbt mit ihre Familie z Heidelberg.

Bolitik[ändere | Quälltäxt bearbeite]

Syter anne 1999 isch d Theresia Bauer Mitglid im Chraisvorstand vu dr Heidelberger Griene, syt 2003 isch si Vorsitzendi vum Chraisverband Heidelberg. Si isch syt Juni 2001 Abgordneti vum Landdag vu Bade-Wirttebärg un verdritt dert dr Wahlchrais Heidelberg. Um des Zyt isch si au in dr Landesvorstand vu dr Griene z Bade-Wirttebärg gwehlt wore. Vu Mai 2002 bis 2011 isch si derzue stellverdrättendi Vorsitzendi vu dr griene Landdagsfraktion gsii. Si engaschiert sich in dr Theme Hochschuelbolitik, Forschig un Demokrati. Bis 2011 isch si Mitgliid im Uusschuss fir Wisseschaft, Forschig un Chunscht un au Mitglid im Ufsichtsrot vu dr Landesstiftig Bade-Wirttebärg gsii.

Bi dr Landdagswahle am 27. Merz 2011 het si mit 36,7 Brozänt vu dr Stimme zum erschte Mol s Diräktmandat in ihrem Wahlchrais gwunne. Am 12. Mai 2011 isch d Theresia Bauer im Landdag as neji Minischteri fir Wisseschaft, Forschig un Chunscht im Kabinett Kretschmann veraidigt wore.

Weblink[ändere | Quälltäxt bearbeite]

 Allmänd (Commons): Theresia Bauer – Sammlig vo witere Multimediadateie