Susanne Eisenmann
| Dialäkt: Undermarkgreflerisch |
D Susanne Eisenmann (* 28. Novämber 1964 z Stuegert-Bad Cannstatt) isch e dytschi Bolitikeri (CDU). Si isch vum Juli 2005 bis zum Mai 2016 Burgermaischteri fir Kultur, Schuel un Sport vu dr Landeshauptstadt Stuegert gsii. Im Kabinett Kretschmann II isch si Minischteri fir Kultus, Juged un Sport.
Lääbe
[ändere | Quälltäxt bearbeite]D Eisenmann isch z Bad Cannstatt uf d Wält chuu un z Stuegert-Heumade ufgwachse. Noch em Abitur am Geschwister-Scholl-Gymnasium z Stuegert-Sillebuech het si an dr Universitet Stuegert Germanischtik, Linguischtik un Bolitikwisseschaft studierte un 1990 dr Magister Artium gmacht. Derno het si im Fachberaich Philosophy mit ere Dissertation zum Thema „Sed corde dicemus: das volkstümliche Element in den deutschen Predigten des Geiler von Kaysersberg“ promoviert. Syt 1997 het si an dr Universitet Stuegert e Lehrufdrag fir Bolitikwissenschaft ghaa.
Scho mit 16 Johr isch si in di Jung Union yydrätte. Syt 1990 isch si Bezirksbyreti vu Stuegert-Sillebuech gsii. Anne 1991 isch si persenligi Referänti vum domolige Vorsitzer vu dr CDU-Landdagsfraktion Bade-Wirttebärg, Günther Oettinger, wore. Mit 29 Johr, anne 1994, isch si in dr Stuegerter Gmairot gwehlt wore, mit 38 Johr isch si Vorsitzeri vu dr sterkschte Rothuusfraktion wore. Ab 1999 isch d Eisenmann stellverdrättendi, vu 2004 bis 2005 erschti Vorsitzeri vu dr CDU-Fraktion im Gmairot vu dr Stadt Stuegert gsii.
Anne 2005 isch si zue dr Burgermaischteri fir Kultur, Bildig un Sport gwehlt wore.
Im Kabinett Kretschmann II isch d Eisenmann syt Mai 2016 Minischteri fir Kultus, Juged un Sport. Im Amtsjohr 2017 isch si Bresidänti vu dr Kultusminischterkumferänz gsii.[1][2]
Bi der Landtagswahl 2021 2021 isch d Eisenmann CDU-Spitzekandidati fir s Amt vu dr Minischterbresidänti vum Land Bade-Wirttebärg.[3]
D Eisenmann isch ghyrote mit em Gschäftsfierer vu dr Bade-Wirttebärg-Stiftig, Christoph Dahl, wu fimf Chinder in d Eh mitbrocht het.[4][5][6]
Weblink
[ändere | Quälltäxt bearbeite]- D Susanne Eisenmann uf dr Websyte vum Minischterium fir Kultus, Juged un Sport
- Lääbeslauf uf www.bundesrat.de
- alumnus-Fragebogen: Antworten von Dr. Susanne Eisenmann, alumniNews 2005, Universität Stuttgart
Fueßnote
[ändere | Quälltäxt bearbeite]- ↑ Neue KMK-Präsidentin Dr. Susanne Eisenmann legt den Schwerpunkt auf berufliche Bildung (Memento vom 27. Juli 2019 im Internet Archive) kmk.org, abgruefen am 27. Juli 2019
- ↑ Christian Füller: Die Abwrackerin. Susanne Eisenmann ist die neue Präsidentin der deutschen Schulminister. Sie gilt als liberal, engagiert und brutal. In: der Freitag vum 12. Jänner 2017, S. 2
- ↑ Strobl verspricht Eisenmann volle Unterstützung. 29. Mai 2019, abgruefen am 29. Mai 2019.
- ↑ Ministerin: Neue Kultusministerin Eisenmann: "Ich kann Widerspruch ertragen" | Südwest Presse Online. 28. März 2019, abgruefen am 28. März 2019.
- ↑ Baden-Württemberg Stiftung: Christoph Dahl bleibt Geschäftsführer - Baden-Württemberg - Stuttgarter Zeitung. 28. März 2019, abgruefen am 28. März 2019.
- ↑ Baden-Württemberg: Susanne Eisenmann soll’s in den Schulen richten - WELT. 28. März 2019, abgruefen am 28. März 2019.
|
Dä Artikel basiert uff ere fräie Übersetzig vu dere Version vum Artikel „Susanne_Eisenmann“ vu de dütsche Wikipedia. E Liste vu de Autore un Versione isch do z finde. |