Seeschlacht bei Curzola

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Seeschlacht bi Curzola
Croatia - Korcula.PNG
D Laag vo dr Insle Korčula im Adriatische Meer
Datum 8. Septämber 1298
Ort in dr Nööchi vo dr Insle Korčula
Usgang Siig vo de Genueser
Konfliktparteie
Genua Venedig
Befählshaber
Lamba Doria Andrea Dandolo
Truppesterki
78 Schiff 98 Schiff
Verlust
umbekannt 7000 Dooti, 7500 Gfangeni, 84 Schiff verloore.

D Seeschlacht bi Curzola het am 8. Septämber 1298 zwüsche de Flotte vo Venedig und Genua bi dr dalmatinische Insle Korčula im Adriatische Meer stattgfunde. Die venezianischi Flotte under em Kommando vom Admiral Andrea Dandolo isch vo de Genuese under em Admiral Lamba Doria gschlaage worde, wo dä mit sinere Resärve e Manöver duuregfüert und d Venezianer überrascht het. Vo de Duusige vo Gfangene, wo d Genueser gmacht häi, isch dr bekanntist dr Marco Polo gsi.

D Schlacht isch Däil gsi vo der Usenandersetzig, wo sich die vier sogenannte „Seerepublike“ („repubbliche marinare“) Venedig, Genua, Pisa und Amalfi im Middelalter gliiferet häi. Gege s Ändi vom 13. Joorhundert si Amalfi und Pisa gschlaage gsi und us em Kampf um d Hegemonii usgschiide. Genua het mit em Siig bi Curzola si Vorrangstellig für Joorzäänt gsicheret und sä bis zum Chioggia-Chrieg (1378−1381) chönne halte.

Litratuur[ändere | Quälltäxt bearbeite]

  • Franz Kurowski: Genua aber war mächtiger. Geschichte einer Seemacht. Pawlak, Herrsching 1990, ISBN 3-88199-684-2.
Dä Artikel basiert uff ere fräie Übersetzig vum Artikel „Schlacht_bei_Curzola“ vu de dütsche Wikipedia.

E Liste vu de Autore un Versione isch do z finde.