Rüèdlinger Rhybrugg
Koordinate: 47° 34′ 33″ N, 8° 34′ 40″ O; CH1903: 685716 / 270094
| Rhybrugg Rüèdlingè | ||
|---|---|---|
 | ||
| Brucht as | Strõssèbrugg | |
| Goot über | Hochrhy, Km 67,8 | |
| Ort | Rüèdlingè, Flaach | |
| Konstrukzioon | Staalbalchèbrugg | |
| Gsamtlengi | 121 m | |
| Grössti Stützwiti | 33,3 m | |
| Fertig worde | 1929 | |
| Lage | ||
| ||
D Rhybrugg Rüèdlingè isch è Strǒssèbrugg, wo zwǜschè Rüèdlingè un Flaach dè Hochrhy sowiè d Gränz zwǜschè dè unterè Deil vum Kanton Schaffiusè un èm Kanton Züri übberschpannt. D Brugg isch für zwei Faarschtreifè un ei sitlichs Trottoir uusglait.
È Fäärvobindig bi Rüèdlingè hèt woll schu im Johr 1417 exischtyrt. Zu dè Vobesserig vo dè Strõssèvobindigè zwǜschè Flaach un èm Rafzerfäld hèn im Johr 1870 diè Kantön Züri un Schaffuusè èn Vodraag übber dè Bau von èrè der Rhybrugg gschlossè.[1] Drei Virtel vo dè Baukoschtè in èrè Höchi vo 126'000 Frankè hèt dè Kanton Züri gschprochè.
S 121 Meter lange Bauwärch isch i dè Johr 1871–73 baut worrè. Als Unterbautè sin nebbè dè Widderlager drei gmauèrti Flusspfyler 7 bis 8 Meter hoch, 1,5 bis 1,9 Meter dick un 4,5 Meter breit ybaut worrè. Si sin uff dè Fels druff baut worrè. Dè Übberbau vo dè Balchèbrugg hèt vir Öffnigè mit Stützwittènè vo 27,2 Meter bi dè Endfälder un 33,3 Metern bi dè Innèfälder. Er hèt èn Wannèquerschnitt, wo uss zwei übber dè Faarbaan, sitlich aagordnetü iisernè Gitterdräger bschtandè hèt, wo 2,4 Meter hoch gsi si sin un unterènand èn lichtè Abschtand vo 4,4 Meter gha hèn. D Faarbaan isch mit 10 Zentimeter dickè Holzdillè gmacht gsi .
Im Johr 1929 isch dè Uusduusch vom Übberbau draa chò. D Gitterdräger sin durch zwei stäälerni, gnièteti, 2,25 Meter hochi Vollwanddräger ersetzt worrè, wo èn lichtè Abschtand uff 5,6 Meter bzw. Achsabschtand uff 6,0 Meter vogrösserèt worrè isch. Selli Änderig hèt è 4,5 Meter breiti Faarbaan un èn zuèsätzlichs Trottoir möglich gmacht. Als statischs Sischteem isch èn Durchlaufdräger aagwendet worrè. D 20 Zentimeter dicki Faarbaanblattè isch als Staalvobundquerschnitt uusbildet worrè. D Pfyler un Widderlager sin entschprèchend umbaut un voschtärkt worrè. D Baukoschtè hèn 225'000 SFr bedrait. Am 10. Januar 1930 isch d Vokeersübbergaab gsi.
Zwanzig Johr spôter hèt è Inschtandsetzig für 225'000 SFr stattgfundè, mit èrè nòmolligè Vobreiterig vo dè Brugg, reschpektyv vo dè Faarbaan uff 5,4 Meter. A dè weschtlichè Hauptdräger sin Konsolè montyrt worrè, wo nõch ussè voschobbeni Trottoir drait hèn. I dè Johr 1987/88 isch denn für 1,348 Millionè SFr d Faarbaanblattè vo 1929 uusduuscht worrè un d Staalkonschtruktion sanyrt worrè.
Literadur
[ändere | Quälltäxt bearbeite]- Hans Rudolf Stierli, Erwin Stucki, Paul Wüst: Vor dem Bau der N4: Die Rheinübergänge zwischen Stein am Rhein und Eglisau. I dè:Rheinbrücke N4, Hrsg. Nationalstrõssèbüro vum Kanton Schaffuusè, Meier Volaag Schaffuusè 1995, ISBN 3-85801-112-6
Weblinggs
[ändere | Quälltäxt bearbeite]
Commons: Rheinbrücke Rüdlingen – Sammlig vo Multimediadateie- Inventar vo dè historischè Vokeerswäg vo dè Schwiz, ZH 900, Stand Februar 2002 / do (Site cha nüme abgrüeft wärde; Suche im Webarchiv) (PDF-Datei; 258 kB)
Einzelnǒchwys
[ändere | Quälltäxt bearbeite]- ↑ Vodraag zwǜschè dè Ständ vo Züri un Schaffuusè übber dè Bau von èrè faarbarè Brugg übber dè Rhy zwǜschè Flaach un Rüèdlingè un d Korrektur vum Hochrhy a sebbèrè Stell. 30. Auguscht / 15. Septembèr 1870 (Site cha nüme abgrüeft wärde; Suche im Webarchiv) (PDF; 18 kB)
| Di nögscht Brugg flussufwärts: Rhybrugg Rhynau-Altèburg |
Bruggene öber de Rhy | Di nögscht Brugg flussabwärts: Strõssèbrugg z Eglisau |
|
Dä Artikel basiert uff ere fräie Übersetzig vum Artikel „Rheinbrücke_Rüdlingen“ vu de dütsche Wikipedia. E Liste vu de Autore un Versione isch do z finde. |