Medelser Rhy
| Rein da Medel | ||
 Medelser Rhy | ||
| Date | ||
|---|---|---|
| Gwässerkennzaal | CH: 575 | |
| Laag | Schwiiz | |
| Flusssystem | Rhy | |
| Abfluss über | Vorderrhy → Rhy → Nordsee | |
| Quellgebiet | im Cadlimotaal 46° 34′ 10″ N, 8° 41′ 44″ O | |
| Quellhöchi | um 2'500 m ü. M. | |
| Mündig | bi Disentis in VorderrhyKoordinate: 46° 41′ 46″ N, 8° 51′ 18″ O; CH1903: 708328 / 172632 46° 41′ 46″ N, 8° 51′ 18″ O | |
| Mündigshöchi | 1'075 m ü. M. | |
| Höchiunterschiid | ca. 1425 m | |
| Lengi | ca. 25,4 km | |
| Iizugsgebiet | ca. 127,7 km²
| |
| Rächti Nääbeflüss | Cristallinarhy, Fuornsrhy | |
| Gmeinde | Quinto, Blenio, Medels, Disentis | |
Der Medelser Rhy (rätoromanisch Rein da Medel) isch eine vo de Kwellflüss vom Vorderrhy.
Der Fluss het sini drü Hauptkwelle im Cadlimotaal im Kanton Tessin uf em Biet vo der Gmeind Quinto. Je en Kwellbach louft us em Lago di dentro under am Cadlimopass und em Lago Scuro am Bärg Punta Negra. Der Cadlimobach flüsst in Israsee und louft weschtlech vom Lukmanierpass in Santa Maria-Stausee ine. Vo do aa flüsst er im Kanton Graubünde i dr Gmeind Medels wyter, won er zerscht der rätoromanisch Name Froda het. Bi dr Gallus-Chappele und am Dörfli Sankt Johann verby chunt er uf Pardatsch, won er no mee Wasser vom Cristallino-Rhy überchunt. Mid em Name Medelser Rhy flüsst er wyter gäge Norde, bi de Medelser Siidlige Acla, Fuorns, wo der Fuornsrhy vo rächts oben abe chunt, Pardé, Platta, Baselgia und Curaglia, wo no der Platta-Rhy derzue chunt, dure. I der Schlucht Ruinas goot dr Rhy vor em Dorf Mumpé Medel is Gmeindbiet vo Disentis und mündet noch öpe anderthalb Kilometer in Vorderrhy.
Der Medelser Rhy isch der einzig Fluss im Kanton Tessin, wo im Yzugsgbiet vom Rhy liit.
Weblink[ändere | Quälltäxt bearbeite]
Commons: Rein da Medel – Sammlig vo Multimediadateie