Pablo Picasso

Dr Pablo Picasso im Johr 1962

Dr Pablo Picasso (* 25. Oktober 1881 z Málaga, Spanie; † 8. April 1973 z Mougins, Frankriich) isch e spanische Mooler, Grafiker und Bildhauer gsi und gältet as eine vo de bedütendste Künstler vom 20. Johrhundert. Si umfangriichs Gsamtwärk vo Gmäld, Zeichnige, Grafike, Plastike und Keramike het e groosse Iifluss uf d Kunst vo dr Modärne. Es isch brägt dur e groossi Vilfalt vo künstlerische Usdrucksforme, wo vo klassischer bis zu abstrakter Darstellig göhn. D Gmäld us siine Blaue und Rosa Periode und d Begründig vom Kubismus zsämme mit em Georges Braque si dr Aafang vo siiner usserordentlige Künstlerlaufbahn. Zu de bekanntiste Wärk vom Picasso ghöre s präkubistische Gmäld Les Demoiselles d’Avignon (1907) und s monumentale Guernica (1937), e künstlerischi Umsetzig vo de Schrecke vom Spanische Bürgerchrieg. S Motiv vo dr Duube uf em Blakat, won er im Johr 1949 für dr Bariser Wältfriidenskongress entworfe het, isch wältwit zum Friidenssymbol worde.

Weblingg

Picasso-Skulptur ohni Ditel z Chicago us em Johr 1967

 Allmänd (Commons): Pablo Picasso – Album mit witere Multimediadateie

• Literatur vu un iber Pablo Picasso im Katalog vu dr Dytsche Nationalbibliothek
• Janca Imwolde: Tabellarischer Läbenslauf vo Pablo Picasso im LeMO (Deutsches Historisches Museum un Haus der Geschichte)
• Informatione zue Pablo Picasso im BAM-Portal
• Pablo Picasso uf kunstaspekte.de
• On-line Picasso Project (Das On-Line Picasso Project isch e Ressourcesammlig samt Wärkverzeichnis, wo mit Forschigsmittel finanziert wird)
• Übersicht mit Fotene und Gmäld über em Picasso iines Fraue (ängl.)
• Film Matisse & Picasso, 2000
• Matrialie vu un iber Pablo Picasso im documenta-Archiv