Ottmar Hitzfeld
| Ottmar Hitzfeld | ||
.jpg) Ottmar Hitzfeld 2011
| ||
| Personalia | ||
|---|---|---|
| Wänn uf d Wält choo | 12. Jänner 1949 | |
| Wo uf d Wält choo | Lörrach, Dütschland | |
| Größi | 178 cm | |
| Position | Stürmer | |
| Junioren | ||
| Johr | Station | |
| 1960–1967 | TuS Stette | |
| 1967–1968 | FV Lörrach | |
| Herre | ||
| Johr | Station | Spil (Tor)1 |
| 1968–1971 | FV Lörrach | |
| 1971–1975 | FC Basel | 92 (66) |
| 1975–1978 | VfB Stuegert | 77 (38) |
| 1978–1980 | FC Lugano | 55 (35) |
| 1980–1983 | FC Lozärn | 72 (30) |
| Nationalmannschaft | ||
| Johr | Uuswahl | Spil (Tor) |
| 1972 | Dütschland Amateure | 8 (5) |
| 1972 | Dütschland B | 1 (1) |
| Statione als Trainer | ||
| Johr | Station | |
| 1983–1984 | SC Zug | |
| 1984–1988 | FC Aarau | |
| 1988–1991 | rasshopper Club Züri | |
| 1991–1997 | Borussia Dortmund | |
| 1998–2004 | FC Bayern München | |
| 2007–2008 | FC Bayern München | |
| 2008–2014 | Schwyz | |
| 1 Aagää sind nur Ligaspiil. | ||
| Dialäkt: Markgräflerisch (Lörrach) |
De Ottmar Hitzfeld (* 12. Jänner 1949 z Lörrach) isch e dütsche Füeßballtrainer un e früenere Füeßballspiler un Olympia-Deilnämmer. Er hät Mathematiik un Sport uff Lehramt studiert un isch eine vu de beide Trainer, wu mit zwei verschidene Verei d'Champions League (friehjer Europapokal vu de Landesmeister) gwunne hänn. Ab em Summer 2008 bis zum Achtel-Final a de Fuessball-Wältmaisterschaft 2014 isch er Trainer vu de Schwizer Nationalmannschaft gsi.
Läbenslauf
[ändere | Quälltäxt bearbeite]De Hitzfäld isch s jüngst vu fümf Gschwüster un isch z Lörrach uffgwachse. Sii Vatter isch e Zahnarzt gsi. Sii Namme isch noch em Ottmar Walter gwehlt wore, wu 1954 Wältmeister wore-n-isch.
Er isch zerscht Jugendspiler bim TuS Stette un deno bi de Amateur vum FV Lörrach gsi. Ab 1971 hät er bim Schwizer Nationalligist FC Basel gspilt, wu 1972 un 1973 Schwizer Meister wore-n-isch. 1973 isch er au Dorschützechönig in de Schwiz wore. Im gliiche Johr hät er di Pedagogischi Hochschüel z Lörrach abgschlosse un sii Staatsexame in Mathematiik un Sport abglèggt.
Bi de Olympische Spil 1972 hät er in de dütsche Olympiauswahl unter anderem mit em Uli Hoeneß zämme gspilt. Er isch fümfmol un vu Aafang aa im Iisatz gsi un hät in jedem Spil e Dor gschosse. Insgsamt isch er bi Amateur-Länderspil achtmol iigsetzt wore.
1975 isch er zum VfB Stugart gwechselt, wu gradd us de 1. Bundesliiga abgstige gsi isch. In zwei Johr 2. Liiga isch er uff 55 Liigaiisetz chuu un hät 33 Dor gschosse. In de Saison 1976/77 isch er dodebii mit 22 Dor e Deil vum legendäre „100-Dor-Sturm“ gsi (de VfB hät e Dorverhältnìs vu 100:36 gha) un hät dodemit e wichtige Biidrag zu de Ruckchehr vum schwöbische Verei ins dütsch Füeßball-Oberhuus gleistet. Sini 6 Dor bim 8:0-Sig gege de SSV Jahn Rägeschburg sin bis hütt e Rekord. 1977/78 hät er 22-mol für de VfB in de Bundesliiga gspilt un 5 Dor gschosse. Deno isch er zruck in d'Schwiz, wu-n-er zerscht bim FC Lugano un deno bim FC Luzärn widder in de Nationalliiga gspilt hät.
S Johr 1983 isch s Änd vu siner Laufbahn als Spiler gsi.
Karriere als Trainer
[ändere | Quälltäxt bearbeite]Verei in de Schwiz
[ändere | Quälltäxt bearbeite]No siner Spilerlaufbahn isch er 1983 Trainer vum SC Zug wore, wu gradd in de dörtmolige Nationalliiga B (hüttigi Challenge League) gsi isch un's glii in di höggsti Liiga, d'Nationalliiga A (hütt Super League) gschafft hät. Einewääg isch er numme ei Johr spöter zum FC Aarau in d'Nationalliiga A, wu im erschte Johr scho Viizemeister wore-n-isch un e Johr druffabe, 1985, de Schwizer Cup gwunne hät. In sällem Johr isch er au zum Schwizer Füeßballtrainer vum Johr gwehlt wore. 1988 isch er zu de Grasshopper Zürri, wu mit em zwüsche 1988 un 1991 insgsamt fümf nationali Tiitel erreicht hät (dodevuu d'Schwizer Meisterschaft 1990 un 1991).
Borussia Dortmund
[ändere | Quälltäxt bearbeite]1991 isch er Trainer vu Borussia Dortmund wore, wu-n-er Aafang Saison 1991/92 als Nofolger vum Horst Köppel übbernuu hät un vum Schlusslicht zur Viizemeisterschaft gfiehrt hät. In säller Saison hänn de Hitzfeld un de BVB d'Meisterschaft erscht vier Minuute vor Schluss verlore; im Guido Buchwald sii Dräffer in de 86. Minuute hät im VfB Stugart z Leverkuse de Sig brocht un en eso mit em Trainer Christoph Daum zum Meister gmacht.
In de Saison denoch hät de Hitzfeld mit em BVB s UEFA-Pokal-Final erreicht, wu-n-er in zwei Spil gege Juventus Turin verlore hät. Einewääg hät de Verei viil Gäld griegt, wiil er säll Final erreicht gha hät, un de Hitzfeld hät's für Transferverstärchige gnuu. So hät de BVB 1995 un 1996 di Dütschi Meisterschaft un 1997 im Final d'Champions Leage gwunne. Noch em Gwinn vu de europäische Chrone isch de Hitzfeld als Trainer zruckdrätte un isch Sportdiräkter bim BVB wore.
Bayere Münche
[ändere | Quälltäxt bearbeite]Uff de erscht Juuli 1998 isch er Trainer vum FC Bayere Münche wore, wu in de Folgezit e Reihe vu Priis griegt hät. De Hitzfeld isch noch em Ernst Happel (Feyenoord Rotterdam (1970), Hamburger SV (1983)) erscht de zweit Trainer gsi, wu's gschafft hät, mit zwei verschidene Verei in d'Champions League (bzw. de Europapokal vu de Landesmeister) z gwinne.
Am 18. Mai 2004 hät Bayere Münche verchündet, dass de Verdrag am 30. Juuni det abbroche were. Grund isch gsi, dass d'Mannschaft eso schlächt abgschnitte gha hät un in säller Saison kei Tiitel hät chönne hole. D'Art un Wis vu de Entlassig hänn d'Medie un de Verei kontrovers diskutiert. De Hitzfeld isch durch de Felix Magath ersetzt wore.
Nodemm di dütschi Mannschaft bi de EM 2004 usgschide un de Trainer Rudi Völler zruckdrätte-n-isch, hät mer im Hitzfeld aabotte, sii Nofolger z were. Är hät sich zwar vor de Europameisterschaft in de Präss offensiiv als Nofolger ins Gspröch brocht, hät s Gebot abber abglähnt un isch dodefür heftig kritisiert wore. E baar Johr spöter hät er i'me-ne Fernsehinterview aagee, er säi i'me-ne „usbrännte“ Züestand gsi.
Übber zwei Johr lang hät de Ottmar Hitzfeld bim Fernsehsänder Premiere gschafft un dört Bundesliiga-, Champions-League- un WM-Spil analysiert. Im Dezämber 2006 hät er aagchündet, dass er uff d'Saison 2007/2008 widder als Trainer det wölle aktiiv were. Aafroge vum Hamburger SV un vu Borussia Dortmund hät er abglehnt.
Zweits Mol Bayere Münche
[ändere | Quälltäxt bearbeite]Am 1. Februar 2007 hät de Ottmar Hitzfeld sii eigene Nofolger Felix Magath ersetzt, wu am Dag devor beurlabt wore-n-isch. Er isch Co-Trainer an de Site vum Michael Henke gsi, wu-n-em scho bi Borussia Dortmund un bim FC Bayere assistiert gha hät. Entgege sine Plän am Aafang, numme bis zum Änd vu de Saison z bliibe, hät er am 15. März e Verdrag unterschribe, wu bis zum 30. Juuni 2008 duurt hät. Am 2. Jänner 2008 hät er abber bstetigt, sii Verdrag nit z verlängere. Am Änd vu de Saison 2007/2008 hät sini Mannschaft s national Triple gwunne.
Nationalmannschaft vu de Schwiz
[ändere | Quälltäxt bearbeite]Am 19. Februar 2008 hät de Hitzfeld aagchündet, noch de Europameisterschaft 2008 in de Schwiz un z Östriich ab em 1. Juuli 2008 d'Schwizer Füeßballnationalmannschaft z trainiere; sällemols isch er au zruck in sini Heimetstadt Lörrach zoge. Sii Verdrag isch zerscht zwei Johr bis noch de WM 2010 gloffe, isch abber deno bis 2012 verlängert wore.
Im Hitzfeld sii Start bi de Schwizer Nationalmannschaft hät zwei Site gha: z Tel Aviv hänn si e Uuentschide (2:2) gege Iisrael gspilt, obwohl d'Schwizer zwüscheduure 2:0 gfiehrt hänn, un e 1:2-Niderlag gege Luxeburg. Deno hät sich d'Mannschaft unter em Hitzfeld siner Leitig abber gsteigert un sich als Gruppeerschte diräkt für d'WM 2010 qualifiziert.
Literatur
[ändere | Quälltäxt bearbeite]- Josef Hochstrasser: Ottmar Hitzfeld. Die Biographie. Argon-Verlag, Berlin 2003, ISBN 3870245824
Weblink
[ändere | Quälltäxt bearbeite]
Commons: Ottmar Hitzfeld – Sammlig vo Multimediadateie- Yytrag bi Fußballdaten.de
- „Der Alemanne“ (Site cha nüme abgrüeft wärde; Suche im Webarchiv) Biitrag in „Das Magazin“ vom 5. Juni 2010