Nashorn

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Naashörner
Waterberg Nashorn1.jpg

Bräitmuulnaashörner z Namibia

Systematik
Reihe: Landwirbeldier (Tetrapoda)
Chlass: Süüger (Mammalia)
Underchlass: Hööcheri Süüger (Eutheria)
Überordnig: Laurasiatheria
Ordnig: Umbaarhuefer (Perissodactyla)
Familie: Naashörner
Wüsseschaftlige Name
Rhinocerotidae
Gray 1821

D Naashörner (Rhinocerotidae) oder au d Rhinozeross bilde e Familie vo de Umbaarhuefer (Perissodactyla), wo hüte no fümf läbigi Arte het. Si si charakterisiert dur e chreftige Körper, churzi Bäi mit drei Zeeche und e groosse Chopf. Uf dr Naase häi alli Verdräter, wo s hüte git, e markanti Bildig, wo us äim oder zwäi Hörner bestoot, wo dr Familie iire Naame gee häi. D Familie isch äini vo de vilfältigste und erfolgriichste in dr Gschicht vo de Süüger und isch wäärend iirer Entwickligsgschicht, wo vor fast 50 Millioone Joor aagfange het, über witi Däil vo Öirasie, Afrika und Nordamerika verbräitet gsi. Iire Niidergang het am Ändi vom Miozeen vor öbbe 6 bis 5 Millioone Joor aagfange, wo sich s Klima gänderet het und drmit d Landschaft. Das het zur Folg gha, ass alli nordamerikanische Naashornarte usgstorbe si und au e Hufe Arte im Räst vo iirem ursprünglige Verbräitigsgebiet. Gege s Ändi vom Pläistozeen het s denn e Faase gee, wo alli nordöirasische Verdräter verschwunde si. Nume Naashornarte, wo hüte im Afrika südlig vo dr Sahara und im süd- bis südöstlige Asie verbräitet si, häi überläbt, si aber däilwiis stark vom Usstärbe bedroot.

Weblingg[ändere | Quälltäxt bearbeite]

 Allmänd (Commons): Nashörner – Sammlig vo witere Multimediadateie

Wikisource S dütschsprochig Wikisource hät Originaltegscht zum Thema „Nashorn“.