Unpaarhufer

Us der alemannische Wikipedia, der freie Dialäkt-Enzyklopedy
Umbaarhuefer
Systematik
Überklass: Chiifermüüler (Gnathostomata)
Reije: Landwirbeldier (Tetrapoda)
Chlass: Süüger (Mammalia)
Underchlass: Hööcheri Süüger (Eutheria)
Überordnig: Laurasiatheria
Ordnig: Umbaarhuefer
Wüsseschaftlige Name
Perissodactyla
Owen, 1848
Familie
S Bräitmuulnaashorn isch die grössti läbigi Umbaarhueferart

D Umbaarhuefer oder Umbaarzeecher (Perissodactyla oder Mesaxonia) si en Ornig vo de Süüger (Mammalia). Im Geegesatz zu de Baarhuefer häi si mäistens en ungraadi Zaal vo Zeeche. D Ornig umfasst drei rezänti Familiene, d Ross (Equidae), d Naashörner (Rhinocerotidae) und d Tapir (Tapiridae) mit im ganze öbbe 17 Arte. Dass die drei Familie, wo doch seer underschiidlig usgsee, mitenander verwandt si, het dr Zoolog Richard Owen im 19. Joorhundert gmerkt. Är het au dr Begriff Umbaarhuefer („odd-toed ungulates“) brägt.

Die verschidnige Arte vo de Umbaarhuefer gseen seer underschiidlig us, im Bau vo iire Bäi und Zeen häi si aber vili gmäinsaami Merkmol. Im Bau vom Verdauigsdrakt git s groossi Underschiid zwüsche de Umbaarhuefer und de Baarhuefer, wo au mäistens Pflanze frässe: d Umbaarhuefer si – äänlig wie d Naager – Änddarmfermentierer, das häisst, dass d Verdaujig grössdedäils erst im Dickdarm stattfindet.

Liddratuur[ändere | Quälltäxt bearbeite]

  • Martin S. Fischer: Mesaxonia (Perissodactyla), Unpaarhufer. In: Wilfried Westheide, Reinhard Rieger (Hrsg.): Spezielle Zoologie. Teil 2: Wirbel- oder Schädeltiere. Spektrum Akademischer Verlag, Heidelberg – Berlin 2004, S. 646–655, ISBN 3-8274-0307-3.
  • Ronald M. Nowak: Walker’s mammals of the world. 6. Auflage. Johns Hopkins University Press, Baltimore, ISBN 0-8018-5789-9.
  • Thomas S. Kemp: The Origin & Evolution of Mammals. Oxford University Press, Oxford 2005. ISBN 0-19-850761-5.
  • A. H. Müller: Lehrbuch der Paläozoologie, Band III Vertebraten, Teil 3 Mammalia, 2. Auflage. Gustav Fischer Verlag, Jena – Stuttgart 1989. ISBN 3-334-00223-3.
  • Don E. Wilson, DeeAnn M. Reeder (Hrsg.): Mammal Species of the World. 3. Ausgabe. The Johns Hopkins University Press, Baltimore 2005, ISBN 0-8018-8221-4.

Weblingg[ändere | Quälltäxt bearbeite]

 Commons: Unpaarhufer – Sammlig vo Multimediadateie