Miller & Maranta

Dialäkt: Baseldütsch

Miller & Maranta isch e Baasler Archidektuurbüro. Es isch vo de Archdekte Quintus Miller (* 1961, z Aarau) und Paola Maranta (* 1959, z Chur) gründet worde. Die bäide häi an dr Äidgenössische Technische Hoochschuel Züüri Archidektuur studiert und häi im Entwurfsateliee vom Fabio Reinhart und Miroslav Šik die Analoogi Archidektuur, wo vom Aldo Rossi prägt worde isch, kennegleert. Vo 1989 aa häi si zämme an verschiidene Brojekt gschafft und 1990 s hütige Büro gründet. Zu iire Wärk ghööre s Voltaschuelhuus z Baasel, d Määrthalle Färberblatz z Aarau, s Woongeböid Schwarzpark z Baasel, d Restaurierig und Erwiterig vo dr Villa Garbald z Castasegna und s Alte Hospiz uf dr Gotthardbasshööchi, wo vilmol publiziert und uszäichnet worde si. Sit 2013 isch dr Jean-Luc vo Aarburg Partner im Büro.

Liddratuur

• Sichtbeton im Detail: Vier Bauten von Miller & Maranta, Quart, Luzern 2001, Deutsch: ISBN 978-3-0376-1045-9; Änglisch: ISBN 978-3-03761-046-6.
• Villa Garbald: Gottfried Semper – Miller & Maranta, gta, Züüri 2004, ISBN 978-3-8567-6130-1 (dütsch und italiänisch).
• Emily Hope, Markus Breitschmid (Uusegääber): Villa Garbald at Castasegna – Miller & Maranta., Architecture Case Studies Series, Volume 2, Zürich: Corporis Publisher for Architecture, Art, and Photography 2009, ISBN 978-0-9802274-7-5 (änglisch).
• Miroslav Šik, Pro Helvetia (Uusegääber), Adam Caruso, Hans Kollhoff, Vittorio Magnago Lampugnani, Quintus Miller: And now the Ensemble!!!, Lars Müller, Züüri 2012, ISBN 978-3-03778-311-5 (änglisch).
• Michael Hanák (Uuusegääber), Hubertus Adam (Text), Ruedi Walti (Fotos), Valerio Ferloni und Annalisa Viviani (Übersetzer): Altes Hospiz St. Gotthard: Umbau des Hospizes auf dem Gotthardpass durch Miller & Maranta, Park Books, Züüri 2012, ISBN 978-3-9060-2710-4 (dütsch und italiänisch).

Weblingg

• Website vo Miller & Maranta
• Miller & Maranta. In: archINFORM.