Mechanismus von Antikythera

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Mechanismus vo Antikythera isch e kalendarisch-astronomische Rächemechanismus us dr Antike, wo analog gschafft het. Es het din e Hufe Zaanreeder wie in ere Reederuur. Dr Mechanismus isch unvollständig erhalte und funkzioniert dorum nüme.

D Vordersite vom Fragmänt A mit em vierspäichige Hauptaadriibsrad
D Fragmänt B, A, und C (vo linggs us), wie si im Archäologische Nazionalmuseum z Athen usgstellt si.
D Hindersite vom Fragmänt A

Dr Mechanismus isch 1900 vo Schwummdaucher zämme mit andere Fund im ene Schiffswrack vor dr griechische Insle Antikythera, zwüschen em Peloponnes und Kreta, entdeggt worde. Am Bord vom Schiff si Münze us Pergamon gsi, wo mä uf d Joor zwüsche 86 und 67 v. d. Z. datiert het, und Münze us Ephesus us de Joor zwüsche 70 und 60 v. d. Z. Dorum nimmt mä aa, ass s Schiff zwüsche 70 und 60 v. d. Z. gsunke isch.[1]

82 Fragmänt vom Mechanismus si erhalte und befinden sich im Nazionale Archeologiimuseum z Athen. Die drei grösste Fragmänt si in dr Abdäilig für Bronssegegeständ öffentlig usgstellt.[2]

Dr Fund vom Mechanismus vo Antikythera isch as en Überraschig cho, wil mä bis denn eson e technisch aaspruchsvolls Gräät us dr Antike nonig kennt het.[3]

Mä isch nonig fertig mit dr Rekonstrukzioon, aber dönggt scho ass dr Mechanismus e Modäll gsi isch für d Beweegige vo dr Sunne und em Mond mit Hilf vo Aazäige uf runde Skalene, wie si vo dr Ärde us beobachdet wärde. Die mäiste Aazäige si as Kaländer skaliert und mä het si mit ere Iistellhilf sünchron chönne verändere. Es het drei groossi und drei chliini Aazäige gee. Die vier wichdigste von ene si gsi:

Uf zwäi witere chliine Skalene si gröösseri Zitabschnitt im Mond- beziehigswiis im Finsterniskaländer aazäigt worde.

Litratuur[ändere | Quälltäxt bearbeite]

  • Ioannis N. Svoronos: Das Athener Nationalmuseum. Band 1. Beck & Barth, Athen 1908, S. 1-86 ("Die Funde von Antikythera") Online
  • Gladys Davidson Weinberg, Virginia R. Grace u.a.: The Antikythera shipwreck reconsidered. (= Transactions of the American Philosophical Society NS 55, 3) American Philosophical Society, Philadelphia 1965
  • Peter Cornelis Bol: Die Skulpturen des Schiffsfundes von Antikythera. Gebr. Mann, Berlin 1972. ISBN 3-7861-2191-5
  • Derek de Solla Price Gears from the Greeks. The Antikythera mechanism – a calendar computer from ca. 80 B.C. (= Transactions of the American Philosophical Society NS 64, 7) American Philosophical Society, Philadelphia 1974. ISBN 0-87169-647-9.
  • Heather Couper, Nigel Henbest: Die Geschichte der Astronomie. Frederking & Thaler, München 2008, ISBN 978-3-89405-707-7.
  • Jo Marchant: Decoding the Heavens – Solving the mystery of the world's first computer. William Heinemann, London 2008, ISBN 978-0-434-01835-2.
  • Jo Marchant: Die Entschlüsselung des Himmels: Der erste Computer – ein 2000 Jahre altes Rätsel wird gelöst. Rowohlt, Reinbek 2011, ISBN 978-3-498-04517-3.
  • Nikolaos Kaltsas, Elena Vlachogianni, Polyxeni Bouyia (Hrsg.): The Antikythera Shipwreck: The ship, the treasures, the mechanism. National Archaeological Museum, April 2012 – April 2013.. Hellenic Ministry of Culture and Tourism ; National Archaeological Museum, Athens 2012, ISBN 978-960-386-031-0.

Fuessnoote[ändere | Quälltäxt bearbeite]

  1. Jo Marchant: Die Entschlüsselung des Himmels, Rowohlt 2011, ISBN 978-3-498-04571-7, S. 85-88.
  2. The Antikythera Mechanism at the National Archaeological Museum. Abgrüeft am 2012-10-26. (en)
  3. Lucio Russo: Die vergessene Revolution oder die Wiedergeburt antiken Wissens, Springer 2005, ISBN 3-540-20938-7, S. 156.

Weblinks[ändere | Quälltäxt bearbeite]

 Allmänd (Commons): Mechanismus von Antikythera – Sammlig vo witere Multimediadateie

Antikythera Mechanismus Forschungsprojekt des Hellenischen Kulturministeriums:

Dä Artikel basiert uff ere fräie Übersetzig vum Artikel „Mechanismus_von_Antikythera“ vu de dütsche Wikipedia.

E Liste vu de Autore un Versione isch do z finde.