Peloponnes

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Peloponnes (Πελοπόννησος)
Satellitebild
Satellitebild
Gwässer 1 Egeischs Meer
Gwässer 2 Ionischs Meer, Golf vo Korinth

Geografischi Laag

37° 30′ 0″ N, 22° 0′ 0″ O37.522Koordinaten: 37° 30′ 0″ N, 22° 0′ 0″ O
Karte von Peloponnes (Πελοπόννησος)
Flechi 21.549 km²
Vercheersaggse 2007
Vercheersaggse 2007

Dr Peloponnes (griechisch Pelopónnisos Πελοπόννησος (f. sg) ‚Insle vom Pelops‘, Transkripzioon us em Altgriechische Peloponnēsos) isch e Halbinsle im Süde vom griechische Festland mit öbbe ere Million Iiwooner.

Die grössti Stadt isch Patras (214'580 Iiwooner) im Norde, historisch am bedütendste si aber Korinth im Oste und Sparta im Süde.

Geografii[ändere | Quälltäxt bearbeite]

Dr Peloponnes isch dr südligsti Däil vo dr Balkanhalbinsle, s Gebiet wo am witeste ins Middelmeer iinelängt. Dr südliggst Punkt vom Peloponnes isch s Kap Tenaro. Im Oste wird d Halbinsle vo dr Egeis und im Weste vom Ionische Meer begränzt.

Röliefcharte vom Peloponnes

Vom Festland chunnt mä uf e Peloponnes über e Landängi, wo öbbe 6,3 km bräit isch und as dr Isthmus vo Korinth bezäichnet wird. 1893 het mä e Kanal dur dr Isthmus grabt. Dr Peloponnes gältet wäge däm aber nid as Insle, wil dr Kanal e künstligs Bauwärk isch. Sit 2004 isch dr Peloponnes au im Weste zwüsche de Ört Rio und Andirrio dur die 2,2 km langi Rio-Andirrio-Brugg mit em Festland verbunde.

Landschaftlig git s e scharfer Kontrast zwüsche de rauje, umbewoonte Gebirg, wo bis zu 2400 m hooch si, und de fruchtbare Daallandschafte und em Flachland am Meer, wo dicht besiidlet si. Im Weste lit s Flachland zwüsche Patras und Pyrgos und im Süde bi Sparta.

Ärdgschichtlig aagluegt isch dr Peloponnes ursprünglig en Insle gsi. Wo sich die Afrikanischi Blatte und die Arabischi Blatte gege Norde verschoobe häi, isch dr Peloponnes ans festland aanedruckt worde. Das gseet mä an de vile [[Faltengebirge<Faltegebirg]], wo geologisch gsee jung si und s Bild vo dr Landschaft brääge. Vor allem im Zentralpeloponnes (Arkadie) isch s 1500–1900 m hooche Bärgland schwer zuegänglig. Es git e Hufe Becki (Polje) dört, wo oberirdisch käi Abfluss häi und wo in ene zum Däil See entstande si. E Bischbil für das isch dr Stymphalischi See, wo hüte verlandet isch.

D Gipfel si im Norde vom Peloponnes bis zu 2374 m hooch, im Süde bis zu 2407 m (Taygetos). D Dääler si für griechischi Verheltniss seer fruchtbar. Geografischi und klimatischi Faktore lööse immer wider verheerendi Landschaftsbränd uf em Peloponnes us, zletscht im Summer 2007. Mänggisch si au d Mensche an de Füür gschuld.

Wil sich d Blatte immer no gege Norde verschiebe, isch dr Peloponnes näbe Italie s Gebiet vo Öiropa, wo am mäiste dur Ärdbeebe gfäärdet isch.

Litratuur[ändere | Quälltäxt bearbeite]

  • Klaus Bötig: Griechenland: Festland und Peloponnes. DuMont, Köln 1996, ISBN 3-7701-3456-7.
  • Markus Fiedler, Burkard Richter: Griechenland: Peloponnes, Athen, Delphi – Ein geographischer Exkursionsführer. BoD 2008, Delmenhorst, ISBN 3-8370-4314-2.
  • Christoph F. Leon: Peloponnes (Hallwag-Führer), mit Fotografie vom Hans Weber, Hallwag, Bärn-Stuttgart 1981, ISBN 3-444-10277-1.

Weblingg[ändere | Quälltäxt bearbeite]

 Allmänd (Commons): Peloponnese – Sammlig vo witere Multimediadateie
Dä Artikel basiert uff ere fräie Übersetzig vum Artikel „Peloponnes“ vu de dütsche Wikipedia.

E Liste vu de Autore un Versione isch do z finde.