Us der alemannische Wikipedia, der freie Dialäkt-Enzyklopedy
In de Lischte vo de Markgrafe und Herzög vo Öschtriich im Mittelalter sind alli Persone ufgführt, wo faktisch Landesherre vo Öschtriich si gsi, gliich ob d Bezeichnig Markgraf oder Herzog isch gsi. Us dem Grund fähle einigi Familiemitglider vo de Habsburger, wo - wi bi de Habsburger üblich - e Ordningszahl hei, aber nöd z Öschtriich regiirt hei.
D Mark Öschtriich isch vom Friedrich I. Barbarossa uf em Hoftag vom 8. September 1156 mit em Privilegium Minus in es eignigs Herzogtum umgwandlet worde und het ab do nüm zu Herzogtum Bayere ghört.
Vom Usschtärbe vo de Babebärger bis zu de Verleihig vom öschtriichische Lehe an d Habsburger sind Herzög vo Öschtriich in ihrem Machtaaschpruch umschtritte gsi. Us dem grund nennt me di Ziit s öschtriichisch Interregnum.
S Lehe vo Öschtriich isch zrück ans Riich cho und so isch de Rudolf, wo König vom Riich gsi isch, vom 1276i bis ins 1286i Herzog vo Kärnte und Krain gsi und vo 1278 bis 1282 Herzog vo Öschtriich und de Steiermark.
De Albrecht II. het welle, dass sini beide Söhn zäme s Herzogtum regiiret. Di hei aber so Krach mitenand gha, dass es nöd funktioniirt het. Wo de Rudolf IV. gschtorbe-n-isch, isch es us dem Grund im 1379i zu ere Teilig cho. Es het danach noch witeri Teilige und Striitereie gäh, bis de Friedrich V. vo Öschtriich, wo au de König Friedrich III. vom Riich isch gsi, ab em 1463i wider alli Habsburger Gebiet z Öschtriich unter sini Kontrolle brocht het.
Albrecht II. hatte verfügt, dass seine Söhne gemeinsam regieren sollten, was aber an deren