Kunsthaus Zürich

Kunsthuus Züri

Kunsthuus

Kunsthuus Züri
Date
Ort	Züri
Art	Kunstmuseum
Archidekt	Karl Moser
Eröffnig	1910
Bedriiber	Zürcher Kunstgsellschaft
Leitig	Christoph Becker (2010)
Website	Website vom Kunsthuus Züri

um 1920

S Kunsthuus Züri isch eins vo de bedütendste Kunstmuseä in dr Schwiiz. Es lit grad näben em Schauspiilhuus am Heimblatz z Züri.

Baugschicht

1787 het sich e Kreis vo Künstler und Liebhaber bildet, wo d Zürcher Kunstgsellschaft sich usem entwigglet het. 1910 isch s Museum eröffnet worde, Dr Archidekt isch dr Karl Moser gsi. Sitheä het mä s e baar Mol erwiiteret und vo 2001 bis 2005 komplett saniert. Zwüsche 2011 und 2015 söll e Erwiiterigsbau mit ere Nutzflechi vo 13000 Quadratmeter entstoh, das isch e Vergrösserig vom Kunsthuus um 60 Prozänt. E Jury under em Vorsitz vom Walter Kielholz, em Bresidänt vo dr Zürcher Kunstgsellschaft het sich für s britische Architekturbüro vom David Chipperfield entschiide. Dr Erwiiterigsbau söll s em Kunsthaus Züri möglig mache, 20 statt wie bishär 10 Brozänt vo siiner Sammlig chönne zeige. Usserdäm wurd mit em Zuezug vo dr Stifdig Sammlig E. G. Bührle, wo für se zwölf Brozänt vo dr Nutzflechi vom Neubau vorgseh si, e neue Sammligsschwerpunkt vom französische Impressionismus.

Sammlig

Hüte isch im Kunsthuus Züri eini vo de bedütendste Kunstsammlige in dr Schwiiz dehei und es presentiert attraktivi Usstellige. Si hochkarätigi Sammlig goht vom 15. Johrhundert bis in d Gegewart:

Zu de internationale Schwerpünkt ghören die grössti Munch-Sammlig usserhalb vo Norwäge und die bedütendsti und umfangriichsti Wärksammlig vom Alberto Giacometti. Witer het s im Kunsthuus Bilder vom Pablo Picasso, Claude Monet, Marc Chagall, Vincent van Gogh und vo de Expressioniste Oskar Kokoschka, Max Beckmann und Lovis Corinth. Näbe d Pop Art, wo mä fast scho cha klassisch nenne (z. B. Andy Warhol oder Richard Hamilton) si u. a. Arbeite vom Mark Rothko, Mario Merz, Cy Twombly, Joseph Beuys und Georg Baselitz verdräte.

Middelalterligi Skulpture und Dafelebilder (z. B. vom Hans Leu em Eltere), Gmäld us em niiderländische und italiänische Barock (z. B. Domenichino und Rembrandt van Rijn) und Höhepünkt vo dr Schwiizer Moolerei vom 19. und 20. Johrhundert wie em Johann Heinrich Füssli, Giovanni Segantini, Ferdinand Hodler oder Félix Vallotton. Au Zürcher Konkreti (z. B. Max Bill, Fritz Glarner, Verena Loewensberg) und zitgenössischi Schwiizer Künstler wie Pipilotti Rist und Peter Fischli / David Weiss und Fotografie und Installatione si verdräte.

Regelmässig finde Veraastaltige statt wie z. B. d Kunsthuusnächt. An dene bietet s Museum mit Workshops, Performances, Muusig und Füehrige e Blick hinder d Kulisse.

D Sammlig E.G. Bührle

Vom Februar bis Mai 2010 si im Kunsthuus Züri d Beständ vo dr Stifdig Sammlig E. G. Bührle, wo öbbe 180 Bilder und Plastike umfasst, zeigt worde. Das hätt under anderem e Wärbig für die blanti Duurpresänz vo dr Sammlig im Kunsthuus vom Johr 2015 aa sötte si. D Bürger vo Züri sölle Ändi 2011 drüber abstimme, öb dr Erwiiterigsbau, wo vom David Chipperfield plant worden isch und zum ene grosse Deil us Stüürgäldern sött finanziert wärde, cha verwirkligt wärde.

Leitig

zur Zit (2010): Christoph Becker

Galerii

• 

  Berner Nelkenmeister:
  Johannes der Täufer in der Wüste

• 

  William Turner:
  Die Teufelsbrücke St. Gotthard

• 

  Johann Heinrich Wüest:
  Der Rhonegletscher, 1795

• 

  Arnold Böcklin:
  Der Krieg

• 

  Édouard Manet:
  Die Flucht des Rochefort

• 

  Vincent van Gogh:
  Eisenbahnbrücke über die Straße nach Tarascon

• 

  Henri Rousseau:
  Am Waldrand

• 

  August Macke:
  Landschaft mit Kühen und Kamel

• 

  Rudolf Koller: Gotthardpost, 1873

• 

  Auguste Rodin:
  Das Höllentor, 1880-1917, Gschänk vom Georg Bührle, 1947

Weblingg

 Allmänd (Commons): Kunsthaus Zürich – Sammlig vo witere Multimediadateie

• Website vom Kunsthuus Züri
• 3sat-Museumscheck über s Kunsthuus Züri

Dä Artikel basiert uff ere fräie Übbersetzig vum Artikel „Kunsthaus_Zürich“ vu de dütsche Wikipedia. E Liste vu de Autore un Versione isch do z finde.

47.3702777777788.5480555555556