Karl Napf

Us der alemannische Wikipedia, der freie Dialäkt-Enzyklopedy
Dialäkt: Schwäbisch

Dr Karl Napf – mit-em richdiga Nama hoißt’r Ralf Jandl – (* 18. Dezember 1942 z Hirschberg em dômôliga Land Schlesien, heizodag an Doil vo Polen mit-em Nama Jelenia Góra) ischt a schwäbischer Dichter ond Satiriker.

Aus seim Leaba[ändere | Quälltäxt bearbeite]

Kurz nôch-em Zwoida Weltkriag isch d Familie Jandl zwangsweis vo Schlesien nôch Wirdaberg omgsiidlet. Deet isch der Bua em Städtle Vaihenga an dr Enz uffgwachsa ond uff dui Weis bald mit-em schwäbischa Dialekt vrtraut wôrra. Nôch seim Abi hôt’r an dr Uni Diibenga Jura studiirt. Wia-nr dô drmit ferdich gwäa ischt, hôt’r zonägscht amôl bei dr Steierverwaldong a Stell kriagt. Schbäter ischt’r en de bada-wirdabergisch Minischderialverwaldong uffgstiiga, wo-nr 27 Jôhr, bis zo seira Vrsetzong en da Ruhestand, zerscht beim Staatsminischderiom ond hendrher beim Wissaschaftsminischderiom gschafft hôt.

Ondr-em Pseidoniim Karl Napf hôt dr Ralf Jandl – oft em schwäbischa Dialekt – an Haufa Biacher vreffentlicht ond fir da Sidweschtrondfonk Heerschbiil gschriiba. Drzua noh hôt’r an Schwäbischa Heimatkalender rausgäa.

A kloina Auswahl vo seine Werk[ändere | Quälltäxt bearbeite]

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Karl_Napf“ vu de dütsche Wikipedia. E Liste vu de Autore un Versione isch do z finde.