Karl III. (Ostfrankenreich)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Karl III.
imperator augustus (erhabene Kaiser)
rex Francorum
(König vo de Franke)'
Charles the Fat.jpg
Karl III. as Ostfrankekönig
Regierigsziit König vo Alemannia sit 876
König vo Italie 879-887 (?)
Kaiser vo de Römer sit 881
König vom Ostfrankeriich 882-887
König vom Westfrankeriich 884-888
Chrönig Kaiserchrönig: 12. Februar 881 vom Papst Johannes VIII.
Uf d Wält cho 13. Juni 839
Gstorbe 13. Januar 888
Begrabe uf dr Insle Riichenau
Vorgänger As Kaiser: Karl dr Kahli
Nochfolger As Kaiser: Guido vo Spoleto
Verhürotet mit Richardis
Nochkomme Bernhard
Kgl. Huus Karolinger
Vater Ludwig dr Dütsch
Mueter Hemma

Karl III., au Karl dr Dicki (lat. Carolus pinguis)[1], * 13. Juni 839; † 13. Januar 888 z Neidinge) isch König vo Alemannia vo 876 a, König vo Italie sit 879 gsi, 881 isch er as Karl III. Kaiser vo de Römer worde, König vom Ostfrankeriich im Johr 882 und vom Westfrankeriich zwei Johr spöter im Johr 884. In 887 isch er in Lotharingie und mögliigerwiis Italie abgsetzt worde. E baar Wuche druf isch er im Januar 888 gstorbe.

Alemannie het er 865 bi dr divisio regnorum (Riichsdeilig) vom Ostfrankeriich übercho und het dört noch em Dood vo sim Vater Ludwig em Dütsche 876 afo regiere. Z Italie isch er noch em Ruggdritt vo siim eltere Brueder, em Karlmann vo Bayre, won e Schlegli erlitte het, inthronisiert worde. 881 isch er vom Papst Johannes VIII. zum Kaiser krönt worde. Won er Nochfolg vo siim Brueder, em Ludwig em Jüngere, im Johr druf adräte het, isch s ganze Ostfrankeriich widervereint gsi. Denn het er vo siim Cousin, em Karlmann II., im Johr 884 s Westfrankeriich gerbt und s ganze karolingische Riich isch wider eis gsi, wenn au nume für churzi Ziit. Er het zweimol d Wikinger mit Gäld drzue brocht, Friide z mache, so bi dr berüehmete Belagerig vo Paris im Johr 886.

Er wird hüt hüfig as fuul und unfähig betrachtet, aber siini Ziitgnosse hai nit so schlächt über en dänggt. Me weiss, ass er vil chrank gsi isch und dänggt, ass er an Epilepsii glitte het.

Fuessnote[ändere | Quälltäxt bearbeite]

  1. Dr Übername dr Dicki het er erst im 12. Johrhundert übercho. Me weiss nit, wie dick er wirklig gsi isch


Vorgänger Amt Nochfolger
Ludwig dr Dütsch König vom Ostfrankeriich
876–887
Arnulf vo Kärnte
Karlmann König vo Italie
879–887
Berengar I.
Karl dr Kahli Kaiser vo de Römer
881–888
Guido vo Spoleto
Ludwig III. Herzog vo Bayern
882–887
Arnulf vo Kärnte
Karlmann König vom Westfrankeriich
884–888
Odo vo Paris