Hiwwe wie Driwwe

Us der alemannische Wikipedia, der freie Dialäkt-Enzyklopedy

Hiwwe wie Driwwe (alem. „Hääne wie dääne“) isch di ainzig Zytig, wu ganz im pensilfaanische Dialäkt gschriibe isch. Si erschiint syter anne 1997 zwaimol im Johr in ere Uuflag vu 2.000 Exemplare un wird in dr USA, z Kanada un z Dytschland glääse. 90 % vu dr Uflag wäre in d USA verschickt, 2 % uf Kanada, 8 % blybe z Dytschland. Syt 1997 hän iber 100 zytgnessischi pennsylvaniadytschi Autore in dr Zytig publiziert. Rusgeeber isch s Privatarchiv pennsylvaniadeutscher Literatur („Michael-Werner-Archiv“) z Ober-Olm bi Mainz, Schriftlaiter isch dr Michael Werner.

Internetsyte[ändere | Quälltäxt bearbeite]

Syt 2002 git s e Internetaagebot, wu zue dr Zytig ghert. S isch zurzyt dr umfangrychscht Internetufdritt zum Pennsylvaniadytsch, wu au durgängig im Dialäkt gschribe isch. Rund 40.000 Bsuecher (Stand: 2011) riefe alljohr d Inhalt ab, wu u. a. au ne Online-Sprochkurs ghert. 50 % vu dr Bsuecher stamme us dr USA, 2 % vu Kanada. Us em dytsche Sprochruum stamme 40 % vu dr Bsuecher, dodervu 36 % vu Dytschland un je 2 % us dr Schwyz un Eschtrych.

Hiwwe wie Driwwe Award[ändere | Quälltäxt bearbeite]

Syt 2011 vergit di pennsylvaniadytsch Zytig in Kooperation mit dr Kutztown University (Pennsylvania) un em Förderkreis Mundarttage Bockenheim e. V. alljohr im Oktober im Ramme vum Pfälzische Mundartdichterwettstryt z Bockenheim an dr Wyystroß e Bryys an dr bescht unter dr pennsylvaniadytsche Text, wu dervor im Juli bim Kutztown Folkfestival bi dr "Pennsylvania German Dialect Writers Presentation" vorgstellt wore sin.

Weblink[ändere | Quälltäxt bearbeite]

Dä Artikel basiert uff ere fräie Übersetzig vu dere Version vum Artikel „Hiwwe_wie_Driwwe“ vu de dütsche Wikipedia. E Liste vu de Autore un Versione isch do z finde.