Gabriele Zahoransky

D Gabriele Zahoransky (* 30. Mai 1943 z Fryburg) isch e dytschi Lehreri, Autori un Chinschtleri.

Lääbe

D Zahoransky het no dr Schuel an dr Uniwersiteet Fryburg Germanischtik un Romanischtik studiert. Si isch uf Offeburg zooge un het deert fascht 30 Joor lang am e Oobegimnasium Dytsch un Franzeesisch unterriichtet.

D Zahoransky schrybt uf Alemannisch un het unter em Titel „Alemannisch minus vier“ im Aigeverlaag e Biechli mit aigene Täxt uusegee. Si engaschiert si au in dr Muettersproch-Gsellschaft. Dernääbe duet d Zahoransky Bilder moole. Si het verschiideni Mool- un Zaiche-Kiirs z Offeburg, z Fryburg, am Boodesee un z Owerkirch gmacht.

Si isch syter anne 1967 ghyroote mit em Armin Zahoransky un het mit iim e Doochter un e Suun.

Wäärch

• Alemannisch minus vier. Alemannische Texte. Eigenverlag, Offenburg [o. J.]

Weblink

• d Gabriele Zahoransky uf dr Websyte vu dr Muettersproch-Gsellschaft
• Eine Welt der Fantasie. Bilder von Gabriele Zahoransky im Kursana Domizil uf kursana.de, 6. Augschte 2018