ETH-Biblioteek

ETH-Bibliothek
Gründig	1855
Bestand	9,444 Millione (2017)
Bibliothekstyp	Wisseschaftlichi Bibliothek, Universitätsbibliothek
Koordinate	47° 22′ 34,7″ N, 8° 32′ 51,4″ O47.37638.5476
Ort	Züri
Läitig	Rafael Ball
Website	https://www.library.ethz.ch

D ETH-Biblioteek isch d Biblioteek vo dr Eidgenössische Technische Hochschuel (ETHZ) z Züri.

Si isch di gröscht Biblioteek für d Naturwüsseschaft und für d Technik i dr Schwiiz.

I de Büechersamlige vo dr ETH-Biblioteek findtme psunders Wärch zu de Fachgebiet Architektur, Ingeniöörwüsseschaft, Naturkund, Mathematik, Mänädschmäntwüsseschaft und Sozialwüssenschaft.

D Biblioteek het vier Fachbiblioteeke, wo Informazioone für d Departemänt und d Fachinstitut vo dr ETH liferet:

• d Baubiblioteek
• d Biblioteek vo de Wüsseschafte vo dr Ärde
• d Biblioteek vo de Gäischtes- und Sozialwüssenschafte
• di Grüen Biblioteek für d Fächer vo dr Landwirtschaft, vo de Läbensmittel und vo de Umwält

Dezue ane het’s spezieli Sammlige und Archyv:

• Alti und sälteni Truk
• s Bildarchyv
• Samlige vo de Ärdwüsseschafte
• s Informazioonszäntrum ”focus“Terra
• di Grafisch Samlig
• s Archyv vo de ETH Züri (mit Noochläss vo Wüsseschaftler)
• d Chartesamlig
• d Materialsamlig für Bau- und Wärchstoff
• s Archiv Max Frisch
• d Samlig vo Kulturgüeter (mit Gägeständ vo dr Stärnwarte)
• s Archyv vom Thomas Mann

D ETH-Biblioteek het Informazioonsgfäss für die elektroneschi Übermittlig gmacht:

• e-rara.ch: s Portaal vo digitalisierte Truckwärch
• e-manuscripta.ch: Digitalisierti handschriftlechi Kwäle us Biblioteek und Archyv vo dr Schwiiz
• E-Pics: Digitalisierti Fotene, Bilddokumänt Scan

E-Periodica: Digitalisierti Schwiizer Zytschrifte vom 18. Jaarhundert bis hüt Thomas-Mann-Archiv Online

D ETH-Biblioteek tuet für öpe 40 Biblioteeke s Informazioonsprogramm NEBIS underhalte und forscht über di zwäckmässig Organisazioon und Pfläg vo elektronische Date.

Weblink

• Website vo dr ETH-Bibliothek