David Gascoyne

Us der alemannische Wikipedia, der freie Dialäkt-Enzyklopedy

Dr David Gascoyne (* 10. Oktober 1916 z Harrow; † 25. Novämber 2001 z Newport, Isle of Wight) isch e britische Dichder und Übersetzer gsi, wo mit dr surrealistische Beweegig verbunde gsi isch.

Läbe und Wärk[ändere | Quälltäxt bearbeite]

Dr David Gascoyne isch z Ängland und Schottland as Soon vom ene Bankdiräkter ufgwaggse; er isch uf d Salisbury Cathedral School gange und het am Regent Street Polytechnic z London studiert. Er het e Däil vo de früeje 1930er Joore z Bariis gwoont.[1]

Perseus and Andromeda
David Gascoyne, 1936
Collage
Tate Gallery, London

Link zum Bild
(Bitte Urheberrächt beachte)

Si ersts Buech, dr Gedichtband Roman Balcony and Other Poems, isch 1932 uusechoo, won er sächzääni gsi isch. Im neggste Joor het er dr Roman Opening Day veröffentligt. Wo Man's Life is This Meat (1936) erschiine isch, won er din sini erste surrealistische Arbäite und Übersetzige vo franzöösische surrealistische Wärk gsammlet het, und Hölderlin's Madness (1938) isch si Ruef gwaggse. 1936 het er ghulfe d „International Surrealist Exhibition“ in de New Burlington Galleries z London z organisiere zämme mit em Roland Penrose, em Herbert Read und andere. Für d Usstellig het er drei Kollasche gmacht mit de Ditel Perseus and Andromeda, The Annunciation und A Critical Visit. In de 1950er Joor het er e baar abstrakti Zäichnige usgstellt[2]. Er het sich vom Surrealismus abgwändet und isch religiöös worde.

Usgweelti Wärk[ändere | Quälltäxt bearbeite]

  • 1932 Roman Balcony
  • 1933 Opening Day
  • 1935 A Short Survey of Surrealism
  • 1936 Man's Life is this Meat
  • 1938 Hoelderlin's Madness
  • 1943 Poems 1937–1942 mit Illustrazioone vom Graham Sutherland
  • 1950 A Vagrant and Other Poems
  • 1952 Thomas Carlyle
  • 1956 Requiem
  • 1956 Night Thoughts
  • 1965 Collected Poems
  • 1970 Sun at Midnight
  • 1976 Three Poems
  • 1978 Paris Journal 1937–1939
  • 1980 Journal 1936–1937
  • 1980 Early Poems
  • 1984 Journal de Paris et d'Ailleurs 1936–1942
  • 1984 Five Early Uncollected Poems
  • 1984 Recontres avec Benjamin Fondane

Weblingg und Kwelle[ändere | Quälltäxt bearbeite]

Fuessnoote[ändere | Quälltäxt bearbeite]

  1. The Times, London, 28. November 2001
  2. Zitiert noch dr Tate Gallery, lueg Weblink Perseus and Andromeda