Arena von Lutetia

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Diä Arena von Lutetia (französisch Arènes de Lutèce), gilt als ältischts no erhaltnigs Bauwärch vo däfranzösischä Hauptschtadt Paris. S' römischi Amfitheatär befindet sich i dä Rue Monge, im 5. Arrondissement.

Modäll vo dä Arena

D' Arena schtammt us äm 1. Jahrhundärt und isch bis zum Ändi vom Jahrhundärt brucht wordä. Ungfähr 17'000 Persone händ diä Schpektakle (Theatervorschtelligä, aber au Kämpf uf Läbe und Tod) zueluege. Mit äm Ufchoo vomChrischtetums händ diä römischä Zirküs allgemein a Bedütig verlore und als im 3.-4. Jahrhundert d' Hunnä i Europa iigfalle sind, isch d'Arena vo Lutetia schtillgleit und ihri Schtei fü dä Bau vo dä Schtadtmuure und anderä Befeschtigsalage verwändet wordä.

Arena vo Lutetia


D' Ruinä sind erscht 1869 wiederentdeckt wordä, als diä Compagnie générale des omnibus a ihrer Schtell es Busdepot baue hät welle. Im Juli 1883 hät dä Victor Hugo imene offenä Brief a dä Schtadtrat bäte, d' Arena vo Lutetia under dä Schutz vo dä Schtadt z' schtelle. Dä hät innerhalb vo wenige Täg reagiert und hät d'Ruinä zum historische Monumänt erchlärt.

1916 isch s' Busdepot abbroche und s' Amphitheater i dä Folgi so wit als mögli reschtauriert. Hüt chönd det sogar d' Käfig vo dä Löje besichtigt wärde.


Dä Artikel basiert uff ere fräie Übersetzig vum Artikel „Arena_von_Lutetia“ vu de dütsche Wikipedia.

E Liste vu de Autore un Versione isch do z finde.