Alida Airaghi
D Alida Airaghi, wo ane 1953 z Verona uf d Wält cho isch, isch e bekanti iteliänischi Dichterin.
s Läbe[ändere | Quälltäxt bearbeite]
Si het a der Università statale z Mailand klassischi Literatur studiert. Derno het si z Züri gläbt und dört vo 1978 bis 1992 Schuel ggää. Dört het si agfange ihri Wärch, vor allem Gedicht, uf Iteliänisch schrybe. Si isch Autorin für iteliänischi und schwiizerischi Zytschrifte. Teil Stück vo der Airaghi sind au in iteliänische Lyrikanthologie abtrukt worde. Es bar Bischpiil vo däm, wo si gmacht het, chame uf irere Website läse.
D Alida Airaghi het der Schriftsteller Siro Angeli ghürootet; die beide händ zwo Mäitli. Hütt läbt und schaffet si z Garda. Der Filippo La Porta seit von ere, si sig «una delle voci poetiche più rilevanti dell’attuale panorama italiano», si sig also eini vo de bedüütendschte iteliänische Dichterstimme vo hüt.
Wärch[ändere | Quälltäxt bearbeite]
- L’appartamento. in: Nuovi Poeti Italiani, Band 3, 1984
- Rosa rosse rosa. 1986
- Appuntamento con una mosca. 1991
- Il lago. 1996
- Sul pontile, nell'acqua. 1997
- Litania periferica. 1998
- Le mura di Verona. 1998
- Laghi e oltre, racconti e una poesia. zäme mit der Anna Felder und em Fabio Pusterla, 1999
- Il peso del giorno. 2000
- Litania periferica. 2000
- Un diverso lontano. 2003
- Frontiere del tempo. 2006
- Fine dicembre. 2010
- Il silenzio e le voci. 2011
- Versi editi e inediti. in: Nuovi Poeti Italiani Band 6, 2012
- Elegie del risveglio.' 2016
- Omaggi. 2017
- Qualcosa del genere. 2018
- L’attesa. 2018