Ajoie

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Lag vom Bezirk Pruntrut, wo us em Elsgau bestoht.

De Elsgau isch e Region im Nordweschte vom Schwiizer Kanton Jura, wo ma französisch redt u wäge dem zu de Region Ajoie sait.

De Hauptort vom Elsgau isch Pruntrut. D Region het e Flächi vo öpper 300 km² un ligt zwüsche 400 u 600 Meter Höchi. Si ghört zum Tafeljura u wird vo de Allaine Richtig Doubs entwässeret. Di kalkhaltige Böde sin gäbig für de Obschtbau u au Wiibau wird im Elsgau betribe. Interessant für Tourischte sin d Höhlene, aber au Planwage-Route u en Prähistorische Park z Réclère.

Politisch isch s Elsgau fascht deckigsgliich mim Bezirk Pruntrut. Numme de Clos du Doubs ghört landschaftlich nöd zum Elsgau.

Gschicht[ändere | Quälltäxt bearbeite]

S Schloss vo Pruntrut

De Elsgau wird in ere Urkund us em Johr 732 s erscht mol gnennt, wo de Herzog vom Elsass Ländereie in pago Alsegaugensi em Chloschter Murbach übertrait. Di Herrschaft übers Elsgau het öfter emol gwächslet u isch im Johr 999 unter di wältlich Macht vom Fürstbischof vo Basel gfalle. D kirchlich Macht hets Bistum Basel bis zum Johr 1779 numme z La Baroche gha, de Rescht vom Elsgau het zu de Diözese Besançon ghört. Wo d Fürschtbischof im 14. Johrhundert finanzielli Probläm hei übercho, hei si fascht s ganze Elsgau de Grafe vo Mömpelgard verkauft. De Fürschtbischof Johann vo Vennige het im 1461 s Elsgau aber wider chönne zruckkaufe. In de Folg sin witeri Herrschafte u Dörfer ans Fürschtbistum cho, nämlich Roche-d'Or im Johre 1474, Rocourt im 1573, Miécourt u Beurnevésin im 1625. Ab do isch d Gschicht vom Elsgau di gliich wi di vom Fürschtbistum Basel.

Sehenswürdigkeite[ändere | Quälltäxt bearbeite]

D Höhlene vo Réclère

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Ajoie“ vu de dütsche Wikipedia.

E Liste vu de Autore un Versione isch do z finde.