Pruntrut

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Pruntrut
Wappe vo Pruntrut
Basisdate
Staat: Schwiiz
Kanton: Jura (JU)
Bezirk: Pruntrutw
BFS-Nr.: 6800i1f3f4
Poschtleitzahl: 2900
UN/LOCODE: CH PRY
Koordinate: 572770 / 25197947.4180557.077793423Koordinaten: 47° 25′ 5″ N, 7° 4′ 40″ O; CH1903: 572770 / 251979
Höchi: 423 m ü. M.
Flächi: 14.84 km²
Iiwohner: 6780 (31. Dezämber 2013)[1]
Website: www.porrentruy.ch
Karte
Karte von Pruntrut
www

Pruntrut (frz. Porrentruy) isch e Gmeind un de Hauptort vom gliichnamige Bezirk vom Kanton Jura i de Schwiiz. Pruntrut isch de Hauptort vo de Ajoie (dt. Elsgau).

Geographii[ändere | Quälltäxt bearbeite]

D Altschtadt vo Pruntrut

Pruntrut ligt uf beide Site vo de Allaine eme chline Flüssli in de Ajoie, uf de Nordsite vom Kettejura. S Schtädtli ligt uf 423 Meter Höhe ugfähr 21 km vo Delsberg, em Hauptort vom Kanton Jura ewäg. D Flächi vo de Gmeind isch im Johr 1997 zu 41% vo Wald bewachse gsi, 38% het ma fürs Buure bruucht un 20% sin Siidligsflächene gsi.

Nachbargmeinde vo Pruntrut sin Fontenais, Bressaucourt, Courtedoux, Bure, Courchavon, Coeuve, Alle un Courgenay.

Gschicht[ändere | Quälltäxt bearbeite]

Vermuetlich het's scho in de Römerziit uf em Biet vo Pruntrut e gallorömischi Siidlig gäh. Au us de Ziit vom 10./11. Johrhundert het me im Schtädtli Überrescht vo eme Gebäude gfunde. Nochwiise cha me en erschti Bsidlig rund um d Chile St. German. D Grafe vo Pfirt hei e Burg bauet und unterhalb vo dere Burg und am Hügel uf de andere Site vom Tal sind Sidlige entschtande. D Pfirter hei Pruntrut dann im 1263i an d Grafe vo Mömpelgard verpfändet, wo ihri Rächt im Elsgau im 1281i im Bischof vo Basel abgeh hei. D Schtadtmuure sind im 1283 bauet worde und hei beidi Sidlige, di am Fuess vo de Burg und di uf de andere Site vom Tal umfasst. D Chile St. German isch aber usserhalb vo de Schtadtmuur blibe. Im Lauf vom 13. Johrhundert isch de Iifluss vom Basler Bischof uf Koschte vo de Mömpelgarder immer grösser worde. So het de Fürschtbischof d Rächt vo de Kastvogtei übercho und au me und me Iifluss uf d Bsetzig vo wichtige Positione chönne neh. In de Ziit zwüsche 1386 und 1461 isch Pruntrut zämme mit em Elsgau wider an d Mömpelgarder verpfändet gsi, aber dann wider zum Fürschtbistum cho. Wo de Bischof wäge de Reformation Basel het müesse verlah, isch Pruntrut im 1528 d Residenzschtadt vom Fürschtbistum worde. D Schtadt het in de folgende Johrhundert Stück für Stück uf Privilegie müesse verzichte und de Bischof het zum Bischpil s Schuel- und Chilewese übernoh. Au d Armefürsorg isch vo de Schtadt uf de Bischof übertrage worde. In de Ziit vo de Französische Revolution, am 27. April 1792 hei d Franzose de Fürschtbischof vertribe und im 1793 het d Nationalversammlig vo de Raurachische Republik für de Aaschluss vom Elsgau an Frankriich gschtumme - wenn au nöd ganz freiwillig. Pruntrut isch d Hauptort vom Departement Mont-Terrible worde, wo im 1800 zum Departement Haut-Rhin (Oberelsass) cho isch. De Wiener Kongress het dann im 1815 bschlosse, dass de südlich Teil vom Fürschtbistum Basel und dodermit au Pruntrut und d Ajoie zum Kanton Bärn chömmed. Mit de Errichtig vom Kanton Jura isch Pruntrut zum Hauptort vom jurasische Bezirk Pruntrut worde und isch Sitz vom Kantonsgricht.

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)

Weblink[ändere | Quälltäxt bearbeite]

Artikel Pruntrut im Historische Lexikon vo dr Schwiiz