Adrian Frutiger

Proobe vu Schrifte, wu vum Frutiger entwoorfe woore sin

Dr Adrian Frutiger (* 24. Mai 1928 z Unterseen; † 10. Septämber 2015 z Bremgarte bi Bärn; haimetberräächtigt z Oberhofe) isch e Schwyzer Schriftgstalter gsii. Är zellt zue dr wichtigschte Schepfer vu dr Schwyzer Typografy.

Lääbe

Dr Frutiger isch dr Suun vum Handwääber Johann Frutiger gsii. Noch ere Schriftsetzerleer (bis 1948) bi dr Inderlacher Buech un Chunschtdruckerei Otto Schlaefli (hite Verlag Schlaefli & Maurer AG) un eme Stuudium an dr Chunschtgwäärbschuel Züri (1949–1951) bim Alfred Willimann un em Walter Käch (Diploomaarbet: Die europäische Schriftentwicklung vom Griechischen Lapidar-Alphabet bis zu Renaissance-Schriften) het dr Frutiger zeerscht as Graafiker z Züri gschafft. Anne 1952 het er bi dr Pariser Schriftgießerei Deberny & Peignot aafange schaffe un isch deert bis 1962 chiscntlerische Laiter gsii. Anne 1962 het dr Frutiger sy aige Graafikatelier z Arcueil bi Paris grindet, zäme mit em Bruno Pfäffli un em André Gürtler. E baar Joor het er dernääbe an dr École Estienne (1952−1960) un dr École Nationale Supérieure des Arts Décoratifs (1954−1968) gleert. Ab 1992 het er z Bremgarte bi Bärn gläbt.

Syni zwoo bekannteschte Schrifte sin di serifeloos Linear-Antiqua Univers un di fir dr Pariser Fluughaafe Charles de Gaulle entwoorfe Roissy, e frieji Foorm vu dr Frutiger. Dernääbe hetz dr Frutiger e Hufe anderi Schrifte gstaltet, wie d Avenir, Centennial, Iridium, Meridien un Serifa. Syni uf Maschiinelääsbarkait optimiert OCR-B isch 1973 zum ISO-Standard woore.

Vercheersschild in dr Schwyz in ASTRA-Frutiger Autobahn

Em Frutiger sy Buech Der Mensch und seine Zeichen, wu 1978 uusechuu isch, giltet as Standardwäärch zue dr Zaichetheory fir di praktisch graafisch Aawändig, zum Byschpel fir d Gstaltig vun eme Loogo. S Buech isch in siibe Sprooch ibersetzt un vereffetligt woore.

Syter 2003 wääre Vercheersschilder in dr Schwyz mit dr Schriftaart ASTRA-Frutiger Standard un ASTRA-Frutiger Autobahn bschriftet.

Dr Frutiger isch zwaimool ghyroote gsii. Sy eerschti Frau, d Paulette Flückiger, isch 1954 no dr Gebuurt vum gmainsame Suhn Stéphane gstoorbe. Anne 1955 het er d Simone Bickel ghyroote, wu 2008 gstoorben isch. Di boode Deechtere us däre Ee, d Anne-Sylvie un d Annik, hän si im Alter vu 16 bzw. 20 Joor umbrocht. In irem Aadänke hän d Eltere d Stiftig Fondation Adrian et Simone Frutiger grindet, wu neuropsychologischi un neuropsychiatrischi Foorschig unterstitze duet.

Uusglääseni Schrifte

Die Schrifte sin vum Adrian Frutiger entwicklet woore:

• Apollo
• ASTRA-Frutiger Standard
• ASTRA-Frutiger Autobahn
• Avenir
• Avenir Next
• Breughel LT
• Linotype Centennial
• Linotype Didot
• Egyptienne F
• Frutiger
• Frutiger Serif
• Frutiger Stones
• Frutiger Symbols
• Frutiger Next (zäme mit em Erik Faulhaber)
• Glypha
• Herculanum
• Icone LT
• Iridium LT
• Meridien
• Nami
• Neue Frutiger (zäme mit em Akira Kobayashi)
• OCR-B
• Ondine
• Pompeijana
• President
• Roissy
• Serifa
• Univers
• Univers Next LT
• Vectora
• Versailles
• Westside

Eerige un Uuszaichnige

• 1950: Bryys vum Aidgnessische Departement vum Innere, Bärn
• 1984: Paul-Haupt-Bryys, Bärn
• 1986: Gutenberg-Bryys vu dr Gutenberg-Gsellschaft e. V.
• 1987: Type Directors Club Medal vum New York Type Directors Club
• 1993: Grand Prix National de la Culture, Section Arts Graphiques, Paris
• 2006: Sota-Award fir sy Lääbeswäärch
• 2007: Bryys Designer 2007 vum Bundesamt fir Kultur vu dr Schwyzerische Aidgnosseschaft fir d Breegig vu dr wisuälle Umgääbig vu Millione vu Mänsche
• 2013: Kulturbryys vum Bärner Oberland fir sy Lääbeswäärch

Uusglääseni Wäärch

• Der Mensch und seine Zeichen. Textbearbeitung von Horst Heiderhoff. 3 Bände. D. Stempel, Frankfurt am Main 1978/1979/1981; Kurzfassung: Marix, Wiesbaden 2006, ISBN 3-86539-907-X.
• Type, Sign, Symbol. ABC-Verlag, Zürich 1980.
• Ein Leben für die Schrift. Schlaefli & Maurer, Interlaken 2003, ISBN 3-85884-015-7.
• Nachdenken über Zeichen und Schrift. Haupt, Bern 2005, ISBN 3-258-06811-9.
• Symbole. Geheimnisvolle Bilder-Schriften, Zeichen, Signale, Labyrinthe, Heraldik. Haupt, Bern 2008, ISBN 978-3-258-07323-1.

Literatur

• Erich Alb (Hrsg.): Adrian Frutiger – Formen und Gegenformen / Forms and Counterforms. Syndor, Cham 1998, ISBN 3-908257-02-6.
• Anja Bodmer, Jürg Brühlmann: Read Me – mit Adrian Frutiger durch die Welt der Zeichen und Buchstaben. Hochparterre, Zürich 2008, ISBN 978-3-909928-09-5.
• Anne Cuneo: Adrian Frutiger – Schriftengestalter. DVD. 2005, OCLC 315110710.
• Michael Düblin: Schriften für Menschen. In: Basler Magazin, Nr. 3/1997, 18. Januar 1997, S. 12 f. (PDF).
• Schweizerische Stiftung Schrift und Typographie, Heidrun Osterer, Philipp Stamm (Hrsg.): Adrian Frutiger – Schriften. Das Gesamtwerk. Birkhäuser, Basel 2008, ISBN 978-3-7643-8576-7.
• Christoph Zürcher: Frutiger, Adrian. In: Historisches Lexikon vo dr Schwiiz. 2007.
• David Fischbach (Hrsg.): Die Galerie im Setzkasten. Der Sammler Arno Stolz. Niggli Verlag, Salenstein 2019, ISBN 978-3-7212-0986-0.

Weblink

 Commons: Adrian Frutiger – Sammlig vo Multimediadateie

• Publikatione vo und über Adrian Frutiger im Katalog Helveticat vo der Schwiizerische Nationalbibliothek
• Adrian Frutiger bi linotype.com
• Adrian Frutiger im Klingspor-Museum – Auflistung und Abbildung aller Schriftschnitte durch Hans Reichardt (PDF; 2,2 MB)
• Christine Kopp, Christoph Frutiger (Hrsg.): Adrian Frutiger – Der Mann von Schwarz und Weiss, DVD, Ott Verlag, Bern, 2006, ISBN 3-7225-0049-4 (uf YouTube).
• Sebastian Rohner: Adrian Frutiger – Ein Leben, Interview (uf YouTube)

Fueßnote

Dä Artikel basiert uff ere fräie Übersetzig vu dere Version vum Artikel „Adrian_Frutiger“ vu de dütsche Wikipedia. E Liste vu de Autore un Versione isch do z finde.