Adrastea (Mond)

Us der alemannische Wikipedia, der freie Dialäkt-Enzyklopedy
Dä Artikel bschäftigt sich mitèm Mond Adrastea vum Planet Jupitèr, andèri Bdütigè vu dèm Begriff findènèr undèr Adrasteia
XV Adrastea
Dr Jupitermond Adrastea, ufgnumme vu dr Rümsonde Galileo.
Vorläufigi Bezeichnig S/1979 J 1
Zentralchörper Jupiter
Eigeschafte vum Orbit
Grossi Halbax 128.980 km
Periapsis 128.750 km
Apoapsis 129.210 km
Exzentrizität 0,0018
Bahnneigig 0,054°
Umlaufzitt 0,298 Däg
Middleri Orbitalgschwindigkeit 31,48 km/s
Physikalischi Eigeschafte
Albedo 0,100
Schinbari Helligkeit 18,7 mag
Middlerer Durchmesser 16,4 km
Masse 6,93 × 1015 kg
Middlere Dichti 3,0 g/cm³
Siderischi Rotation 0,298
Axneigig
Fallbeschlünigung an dr Oberflächi 0,0069 m/s²
Fluchtgschwindigkeit 0–10,6 m/s
Entdeckig
Entdecker Voyager 2
Datum vu dr Entdeckig 8. Juli 1979
Amerkige Eifach bundeni Rotation
Dialäkt: Markgräflerisch (Ebringe)

D' Adrastea isch dr zweitinnerscht bekannt Mond vum Planet Jupiter.

Entdeckig[ändere | Quälltäxt bearbeite]

Si isch am 8. Juli 1979 vu dè Astronome David C. Jewitt un G. Edward Danielson uf Ufnahme vu dè Rumsondè Voyager 2 èntdeckt worrè und het znäxt diè vorläufig Bzaichnig S 1979 J1 èrhaldè. Im Johr 1983 isch si offizièll uff Adrasteia, ärè Götti us dè grichischè Mythologi daift worrè, wo zuèständig fèr d'Verdailig vu Blohnig un Bstrofig gsi isch.

Bahndatè[ändere | Quälltäxt bearbeite]

Adrastea umchraist dè Jupitèr imè middlèrè Abstand vu 127.969 km in 7 Stund un 4 Minutè. D'Bahn wiist ä Exzèntrizität vu 0,0012 uf un isch 0,8° gegènibèr vu dè Äquatorebèni vum Jupitèr gnaigt. Si beweggt sich innèrhalb vu im Jupitèr sinèm Ringsystem un isch vermuètli ä Quèllè fèr d' Ringpartikèl.
Diè innèrè Mond Metis un Adrastea umlaufè dè Jupitèr innèrhalb vum geostationärè Orbitalradius (dèr in dèm Fall ehèr zeusstationär haißè mièßt) sowiè innèrhalb vu dè Rochegrènzè und sin dèbi dè starchè Gezittèchräftè vum Riisèplanet usgsetzt. Si sin wohrschins chlai gnuèg, um nit vu dènè Chräft vèrrissè z'wèrrè, jedoch wèrrè ihri Umlaufbahnè in Zuèkunft absinkè, so dass baidi Mond irgèndwènn in dè Jupitèr stürzè wèrrè.

Ufbau und physikalischi Datè[ändere | Quälltäxt bearbeite]

Adrastea bsitzt ä middlèrè Durmèssèr vu 16,4 km. Ihri hochi Dichti vu 3,0 g/cm3 losst druf schlièßè, dass si ibèrwigènd us silikatischèm Gstai sowiè Adailè an Wassèriis zsämmègsetzt isch.
Si bsitzt ä sehr dunkli Obèrflächi mit ärè Albedo vu 0,05, d. h. bloß 5 % vum ifallèndè Sunnèleecht wèrrè reflèkteert. Ihri schinbari Helligkait (Magnitude) btrait 18,7m. Adrastea roteert in 7 Stund un 9 Minutè um diè aigè Ax un wiist dodèmit, wiè dè Erdmond, ä bundini Rotation uf.


Dä Artikel basiert uff ere fräie Übersetzig vum Artikel „Adrastea_(Mond)“ vu de dütsche Wikipedia. E Liste vu de Autore un Versione isch do z finde.