Kore (Mond)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
XLIX Kore
Vorläufigi Bezeichnig S/2003 J 14
Zentralchörper Jupiter
Eigeschafte vum Orbit
Grossi Halbax 24.543.000 km
Periapsis 16.567.000 km
Apoapsis 32.519.000 km
Exzentrizität 0,325
Bahnneigig 145,0°
Umlaufzitt 779,2 Däg
Middleri Orbitalgschwindigkeit 2,23 km/s
Physikalischi Eigeschafte
Albedo
Schinbari Helligkeit 23,6 mag
Middlerer Durchmesser ≈ 2 km
Masse ≈ 10 kg
Fallbeschlünigung an dr Oberflächi ≈ 0 m/s²
Fluchtgschwindigkeit ≈ 0 m/s
Entdeckig
Entdecker IFA Hawaii
Datum vu dr Entdeckig 8. Februar 2003
Dialäkt: Markgräflerisch (Ebringe)

D Kore (Jupitermoo XLIX) isch ain vu de ussere Zwergmonde vum Planet Jupiter.

Entdeckig[ändere | Quälltäxt bearbeite]

D Kore (S/2003 J 14) isch am 8. Februar 2003 vu de Astronome Scott S. Sheppard, David C. Jewitt und Jan Kleyna entdeckt worre. Der Mond isch noch de griechische Göttin Kore binennt, sini Entdeckigsbinennig vu de Systematik vu de Internationale Astronomische Union IAU isch S/2003 J 14 bezaichnet.

Bahndate[ändere | Quälltäxt bearbeite]

D Kore umchraist de Jupiter ime middlere Abstand vu 24.011.000 km in 779 Däg, 4 Stunde un 19 Minute. D Bahn wiist ä Exzentrizität vu 0,3351 uf. Mit ere Naigig vu 144,529° isch d Bahn retrograd, d.h., der Mond beweggt sich entgege vu de Rotationsrichtig vum Jupiter um de Planet.

Ufgrund vu sine Bahnaigeschafte wird d Kore de Pasiphae-Gruppe, benennt nooch em Jupitermond Pasiphae, zuegordnet.

Physikalischi Date[ändere | Quälltäxt bearbeite]

D Kore besitzt ä Durmesser vu etwa 2 km. D Dichti vu 2,6 g/cm3 isch ä bloßi Muetmaßig, falls der Mond iberwigend us silikatischem Gstai ufbaut isch. Si wiist ä sehr dunkli Oberflächi mit ere Albedo vu 0,04 uf, d.h., bloß 4 % vum igstrahlte Sunneliecht werre reflektiert.

Wie bi allene ussere, chleine Jupitermönd sin die Date iber die physikalische Eigeschafte sehr usicher. Sälli Mönd sin so chlei, dass si au in dr gröschte irdische Teleskope numme e winzigs Liechtpünktli sin. Si sin au sowit ewegg vum Jupiter, dass keini vu dr bisherige Jupitersonde e Vorbiflueg undernumme het. Doher wird sich - es isch wohl uf längeri Zitt kei Sonde meh bim Jupiter - die schlecht Datelag au in de nächschte Johrzehnte nit ändere.



Dä Artikel basiert uff ere fräie Übersetzig vum Artikel „Kore_(Mond)“ vu de dütsche Wikipedia.

E Liste vu de Autore un Versione isch do z finde.