Voyager 2

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Voyager-Sonde
Fluegbahn vu dr Voyager-Sonde
Saturnnohufnahm vu Voyager 2 (3. November 1980). Zue sähe sin links näbem Saturn sini Mönd Thetys un Dione. Saturnabstand 13 Mio. km.
Goldeni Platte Sounds of Earth
Voyager 2 hebt am 20. August 1977 an Bord vu ere Titan 3E-Centaur ab.
Dialäkt: Markgräflerisch (Ebringe)

Voyager 2 isch e Ruumsonde vu dr NASA, wo 16 Däg vor Voyager 1 am 20. August 1977 vum Cape Canaveral mit ere Titan 3E-Centaur-Rakete in dr Weltruum gschosse worre ischt.

In dr 60er Johre vum zwanzigste Johrhundert hän Astronome festgestellt, dass die grosse Planete vu unserem Sunnesystem - die vier Gasriise (Jupiter, Saturn, Uranus un Neptun) zum End vu dr 70er Johre in ere Konstellation stehe würde, wo si mit ere einzige Sonde uf ere sognennte Grand Tour (Grosse Tour) nochenander besuecht werre chönnte.

Dorufhi sin zwei Sonde baut worre, Voyager 1 un Voyager 2. Dr ursprünglich Namme vu Voyager 2 isch Mariner 12 gsi. Voyager 1 isch zwar 16 Däg später gstartet gsi, het aber e chürzeri Fluegbahn zum Jupiter gnu, so dass die Nummerierig wogl wäge dr plante Anchümft so gmacht worre isch.

Während Voyager 1 nooch em Passiere vum Saturn d'Ebene vu dr Erdbahn Ekliptik verlo het, het Voyager 2 si Flueg zum Uranus un Neptun furtgsetzt un demit s'gsetzt Zil erreicht. D'Sonde het dr Jupiter am 9. Juli 1979 passiert, dr Saturn am 25. August 1981, dr Uranus am 24. Jänner 1986 un dr Neptun schliessli am 25. August 1989.

D'Sonde het auf ihrem Flueg vili Daten gsammlet, wo zum Verständnis vu unserem Sunnesystems bitrage hän. Debi sin under anderem 22 nöii Mönd, d'Ringe vum Jupiter, zwei witteri Ringe vum Uranus un s'Ringsystem vum Neptun entdeckt.

D'Voyager-2-Mission zellt zue dr erfolgriichste Weltruumprojekte vu alle Zitte. D'Sonde funktioniert immer noch un isch nooch Voyager 1 un Pioneer 10 s'am drittwittiste vu dr Erde entfernt vu Mensche baut Objekt. Am 14. Oktober 2005 het d'Entfernig zue dr Sunne 77.8 Astronomischi Eiheite (AE) betrage. Prognose gehn devu us, dass d'Sonde noch bis zum Johr 2020 Date zue dr Erde sende chännte, bevor no die nuklear Energiquelle (Radioisotopegenerator) nimmi gnüegend Strom liferet, um kritischi Systeme mit Energi z'versorge.

Wie d'Schwestersonde trait au Voyager 2 e goldeni Platte wo Sounds of Earth heisst mit sich, wo Bilder, Gruessbotschafte, Musik un Gräusche vu dr Erde beinhaldet.

Trivia[ändere | Quälltäxt bearbeite]

Dr Film Star Trek I handelet vu ere e fiktive NASA-Sonde Voyager VI, wo als Hommage vu dr Filmmacher ans Voyager-Programm so daift worre isch.

Weblink[ändere | Quälltäxt bearbeite]

 Allmänd (Commons): Voyager 1 – Album mit witere Multimediadateie




Dä Artikel basiert uff ere fräie Übersetzig vum Artikel „Voyager_2“ vu de dütsche Wikipedia.

E Liste vu de Autore un Versione isch do z finde.