60er

Us der alemannische Wikipedia, der freie Dialäkt-Enzyklopedy

Inhaltsverzeichnis 1 60 1.1 Ereignisse 1.1.1 Wisseschaft 1.2 Bore 1.3 Gstorbe 2 61 2.1 Ereignisse 2.1.1 Politik un Weltgschehe 2.1.1.1 Römischs Riich 2.2 Bore 2.3 Gstorbe 3 62 3.1 Ereignisse 3.1.1 Politik un Weltgschähe 3.1.1.1 Römischs Riich 3.1.2 Astronomi 3.2 Gstorbe 4 63 4.1 Ereignisse 4.1.1 Politik un Weltgschähe 4.1.1.1 Römischs Riich 4.2 Gstorbe 5 64 5.1 Ereignisse 5.1.1 Politik un Weltgschähe 5.1.1.1 Römischs Riich 6 65 6.1 Gstorbe 7 66 7.1 Ereignisse 7.1.1 Politik un Weltgschähe 7.1.1.1 Römischs Riich 7.1.2 Wisseschaft 7.2 Gstorbe 8 67 8.1 Ereignisse 8.1.1 Religion 8.2 Gstorbe 9 68 9.1 Ereignisse 9.1.1 Politik un Weltgschähe 9.1.1.1 Römischs Riich 9.1.2 Religion 9.2 Gstorbe 10 69 10.1 Ereignisse 10.1.1 Politik un Weltgschähe 10.1.1.1 Römischs Riich 10.2 Bore 10.3 Gstorbe

[ändere] 60

S'Johr 60 vu dr christliche Zittrechnig isch im Römische Riich s'Johr 813 ab urbe condita gsi. Nooch em (domols au im Römische Riich gültige) Julianische Kalender isch es e Schaltjohr mit 366 Däg gsi.

[ändere] Ereignisse

[ändere] Wisseschaft

• Dr römisch Dichter Seneca verfasst d'Quaestiones naturales. Des isch s'erst un einzig bechannt physikalisch Lehrbuech in dr römische Literatur

[ändere] Bore

• 7. November: Keikō, 12. Kaiser vu Japan (71–130) († 130)

[ändere] Gstorbe

• Prasutagus, britannischer Icenierfürst

[ändere] 61

S'Johr 61 vu dr christliche Zittrechnig isch im Römische Riich s'Johr 814 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

[ändere] Ereignisse

[ändere] Politik un Weltgschehe

[ändere] Römischs Riich

• D Römer schlönd in Britannie en Uufschtand vo de Kelte mit mehrere Schlachte nieder.

[ändere] Bore

• Gaius Plinius Caecilius Secundus, Plinius dr Jünger, wohrschinlichs Burtsdatum

[ändere] Gstorbe

• Boudicca, britannischi Heerfüehreri

[ändere] 62

S'Johr 62 vu dr christliche Zittrechnig isch im Römische Riich s'Johr 815 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

[ändere] Ereignisse

[ändere] Politik un Weltgschähe

[ändere] Römischs Riich

• Dr Nero losst si Gatti Octavia döte un hirotet d'Poppaea Sabina
• E Erdbebe zerstört Pompeji un anderi Orte in Kampanie, Italie

[ändere] Astronomi

• 12. März: Dr Heron von Alexandria erwähnt e Mofinsternis yber dr Stadt.

[ändere] Gstorbe

• Um 62: Jakobus, Brueder des Herrn (Jakobus dr Grechte), Apostel
• 8. Juni: Octavia, Tochter des Claudius, Gattin Neros (* 40)
• Persius Flaccus, römischer Satiriker (* 34)

[ändere] 63

S'Johr 63 vu dr christliche Zittrechnig isch im Römische Riich s'Johr 816 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

[ändere] Ereignisse

[ändere] Politik un Weltgschähe

[ändere] Römischs Riich

• Dr römisch Kaiser Nero laat Gwicht und Fiinghalt vo de umlaufende Münze beschniide, um d Geldmengi z erhööche.
  Das löst di erscht gnau dokumentierti Inflation vo dr Weltgschicht uus. De Plinius dr Älteri brichtet drüber uusfüehrlich.

[ändere] Gstorbe

• Johannes Markus, meeglicher Autor vum Markusevangelium
• Um 63: Matthias, Schriftglehrter, Apostel

[ändere] 64

S'Johr 64 vu dr christliche Zittrechnig isch im Römische Riich s'Johr 817 ab urbe condita gsi. Nooch em (domols au im Römische Riich gültige) Julianische Kalender isch es e Schaltjohr mit 366 Däg gsi.

[ändere] Ereignisse

[ändere] Politik un Weltgschähe

[ändere] Römischs Riich

• 18. Juli: in Rom bricht e Grossbrand us, wo mehreri Däg wüetet un drei Stadtdeile komplett in Äsche legt un siibe in starchi Mitliideschaft ziegt. Dr Brand isch wohrschins zuefällig entstande, wil mer aber e Sündebock brucht git dr römische Kaiser Nero dr Christe d'Schuld un losst etliche vu ihne hirichte. Als Reaktion werre bim Wiiderufbau vu dr Stadt d'Brandschutzvorschrifte verschärft un d'Strosse breiter baut.

[ändere] 65

S'Johr 65 vu dr christliche Zittrechnig isch im Römische Riich s'Johr 818 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

[ändere] Gstorbe

• Lucius Annaeus Seneca, römischer Philosoph, Dramatiker un Staatsma (* um 4 v. Chr.), wird vum Nero zum Selbstmord zwunge.
• 19. April: Gaius Calpurnius Piso, Römischer Politiker, Redner un Literaturmäzen
• 30. April: Marcus Annaeus Lucanus, römischer Dichter un Neffe vum Senecas (* 39)
• Quintus Petilius Secundus, Legionär, bechannt dur e Grabstei z'Bonn (* 40)

[ändere] 66

S'Johr 66 vu dr christliche Zittrechnig isch im Römische Riich s'Johr 819 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

[ändere] Ereignisse

[ändere] Politik un Weltgschähe

[ändere] Römischs Riich

• Jüdische Uufschtand gege de römisch Landpfleger in Judäa. D Zelote nähmed Jerusalem ii, und d Sikarier bsetzed d Feschtig vo Masada.

[ändere] Wisseschaft

• Nooch Berichte vum älteren Plinius verwendet dr churzsichtig römisch Kaiser Nero bi Gladiatorechämpfe e geschliffene Smaragd als Augeglas. Es isch dr erst Bericht yber e derartigi Sehhilf.

[ändere] Gstorbe

• Petron, römischer Schriftsteller (* 11)

[ändere] 67

S'Johr 67 vu dr christliche Zittrechnig isch im Römische Riich s'Johr 820 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

[ändere] Ereignisse

[ändere] Religion

• Linus wird nooch katholischer Yberliferig dr zweit Papst vu Rom. Es git aber cheini gsicherte Quelle us sällere Zit, wo sää bezüge däte un es isch inzwische historisch so guet wie sicher, dass es frühestens im 2. Johrhundert Bischöf gä het.

[ändere] Gstorbe

• 67 (oder 64): Saulus bzw. Paulus, Missionar un Theologe (* um 5)
• Gnaeus Domitius Corbulo, römischer General (* um 7)
• 67 oder 64: Petrus, Apostel, nooch katholischer Yberliferig z'Rom als erster Papst dr Märtyrerdot.

[ändere] 68

S'Johr 68 vu dr christliche Zittrechnig isch im Römische Riich s'Johr 821 ab urbe condita gsi. Nooch em (domols au im Römische Riich gültige) Julianische Kalender isch es e Schaltjohr mit 366 Däg gsi.

[ändere] Ereignisse

[ändere] Politik un Weltgschähe

[ändere] Römischs Riich

• Vindex, Statthalter in Gallie, erhebt sich gege dr römisch Kaiser Nero
• 68 - Mit em Suizid vom Nero endet di Julisch-Claudischu Dynaschtie. En Bürgerchrieg um d Nachfolg bricht uus. S Vierkaiserjahr fangt aa.
• S Vierkaiserjohr fangt a. Galba wird römischer Kaiser
• 68 isch s'ledscht vu dr Annale vum Tacitus behandlet Johr.

[ändere] Religion

• Ignatius vu Antiochie († um 107–110) wird nooch christlicher Yberliferig Patriarch vu Antiochia in Syrie

[ändere] Gstorbe

• 9. Juni: Nero, römischer Kaiser (* 37, Selbstmord)
• Vindex, römischer Statthalter in Gallie

[ändere] 69

S'Johr 69 vu dr christliche Zittrechnig isch im Römische Riich s'Johr 822 ab urbe condita gsi. Nooch em domols gültige Julianische Kalender isch es e Gmeinjohr mit 365 Däg gsi.

[ändere] Ereignisse

[ändere] Politik un Weltgschähe

[ändere] Römischs Riich

• Vierkaiserjohr (Galba (68/69), Otho, Vitellius un Vespasian)
• 14. April: In dr Schlacht vu Bedriacum setzt sich dt Vitellius als Nero-Noochfolger gege dr Galba dur.
• Bim innere Machtchampf um d'Kaisernoochfolge wird Aquae Helveticae (Bade im Aargau) plünderet
• Dr germanisch Volksstamm vu dr Bataver under Iulius Civilis in dr hütige Niderlande revoltiert gege d'Römer (Bataverufstand)
• D'Erwitterig vum Amphitheater in Pula wird underem Vespasian agfange
• 21. Dezember 69 - Titus Flavius Vespasian zieht als Sieger vom Bürgerchrieg in Rom ii und wird vom Senat als neue römische Kaiser anerchännt. Dr Begründer vo de flavische Dynaschtie setzt e rigorosi Schparpolitik dure. Ebefalls füehrt er Stüüre uf öffentlichi Latrine ii. Uf de Vorwurf, er beziehi demit Geld us schlächt schmöckende Quelle, hät er e Münze a d Nase ghebet und hät erwideret: Non olet ("sie schtinkt nöd"). Dadruus dörfti d Redewendig "Geld schtinkt nöd" entstande sii.

[ändere] Bore

• Polykarp vu Smyrna, Bischof un Märtyrer († um 155)

[ändere] Gstorbe

• 15. Jänner: Galba, Statthalter un Kaiser (* 3 v. Chr.)
• 15. April: Marcus Salvius Otho, römischer Kaiser (* 32)
• Sextilia, Mueder vum Kaiser Vitellius.
• 20. Dezember: Vitellius, römischer Kaiser (* 15)