Suriyakati-Kalender

Us der alemannische Wikipedia, der freie Dialäkt-Enzyklopedy
August 2004: ๒๕๔๗ = 2547 BE in thailändische Ziffere, 二〇〇四年 = Jahr 2004 uf Chinesisch

Dr Suriyakati-Kaländer (Thai: ปฏิทินสุริยคติไทย, au: Thailändische Sunnekaländer) isch s Kaländersischtem, wu zurzyt z Thailand brucht wird. Är basiert uf em wältwyt maischtbruuchte gregorianische Kaländer, brucht aber fir d Zellig vu dr Johr di buddhistisch Zyträchnig (BE). Dodermit sin d Johreszahlen um 543 greßer wie in dr chrischtlige Zyträchnig.

Yygfiert woren isch dr Kaländer vum Chenig Chulalongkorn (Rama V.) anne 1888, dertemol isch dr Neijohrsdag no uf dr 1. April vum jewylige Johr gfalle. 1941 (2484 BE) isch dr Neijohrsdag derno dur dr domolig thailändisch Premierminischter Phibul Songkhram uf dr 1. Jänner verlait wore, dodermit isch s Johr 2483 BE nume nyyn Monet lang gsii.

Monet 1 4 7 10 1 4 7 10 1 4 7 10 1 4 7 10
n. Chr. 1939 1940 1941 1942
BE 2482 2483 2484 2485

Vor dr Yyfierig vum Suriyakati-Kaländer isch s offiziäll Kaländersischtem z Thailand dr thailändisch Mondkaländer gsii, wu allno fir d Bstimmig vu dr buddhistische Fyyrtig bruucht wird.

In Kaländer z Thailand het s hite baidi Kaländersischtem. D Johreszahl no dr buddhistische Zyträchnig wird doderby in thailändische Ziffere gschribe, derwylscht di gregorianisch Johreszahl in arabischen un au in chinesische Zifferen ufgfiert wird.

Literatur[ändere | Quälltäxt bearbeite]

  • John Christopher Eadeː The Calendrical Systems of Mainland South-East Asia. E. J. Brill, Leiden and New York 1995 (Handbuch der Orientalistik: Dritte Abteilung, Südostasien 9)
Dä Artikel basiert uff ere fräie Übersetzig vu dere Version vum Artikel „Suriyakati-Kalender“ vu de dütsche Wikipedia. E Liste vu de Autore un Versione isch do z finde.