Zem Ulrichsgärtli

«Zem Ulrichsgärtli», Rittergass 11, Baasel

Dialäkt: Baaseldütsch

«Zem Ulrichsgärtli» isch e Geböid an dr Rittergass 11 z Baasel, wo sit 1983 s Zivilstandsamt dehäi isch. Es stoot under em Dänggmolschutz vom Kanton Baasel-Stadt.

Gschicht

S «Zem Ulrichsgärtli» isch 1899/1900 as groossbürgerligs Woonhuus vom Siidefabrikant Wilhelm Alioth-Vischer baut worde. Dr Emanuel La Roche het s blaant im ene Stiil, wo sich an dä vo de Geböid us em 18. Joorhundert zringsume aagleent het. D Rüüm si histoorisch usgstattet worde und vor allem im Baarder isch s grösstedäils eso bliibe, usser was in de 1960er Joor us em Huus verschwunden isch, wo s vor em Abbruch gstanden isch. Dank Schänkige si in de letschte Joor e Däil vo deene Sache wider zruggchoo, drunder vier groossi Landschaftsgmäld, wo dr Waadtländer Emile D. Turrian 1900 gmoolt het und wo jetz wider im Gartesaal an iirem ursprünglige Blatz ufghänggt worde si.

Kwelle

• Am Lebensweg - Kulturdenkmäler als Stationen und Passagen, uf dr Website vo dr Basler Dänggmolpflääg, abgrüeft am 5.1.2013
• Domus antiqua helvetica, Jubiläumsausgabe, Fachtagung 2010

47.5556361111117.5935472222222